【哈哈哈哈哈】ERROR拍《自肥企画》再中伏 阿Dee跌落兩米深陷阱超好笑

ViuTV的《ERROR自肥企画》昨晚播出第四集，大玩「ERROR遊詐詭」，即是整蠱4位ERROR成員肥仔（梁業）、阿Dee（何啟華）、193（郭嘉駿）和保錡！193率先被整蠱，他收到主持任務，以為自己要幫手Prank另外3人，不過就被導演Mike噴忌廉，之後仲要拎起寫住我係X頭皮的牌；肥仔就收到睇鴨仔任務，最後被戴上電視台吉祥物Sound Bear頭套的不祥物「ViuTV Buddy」推落紫色泳池水，乜都睇唔到，事後他才在IG表示原來池水加咗潤滑劑！

而保錡被測試會唔會忍唔住偷睇「機密文件」，當然佢係忍唔住偷睇咗，最後大家排隊用第二集出現過嘅「死亡恆星」射保錡下體作懲罰。

最後係阿Dee，堪稱最陰公成員，繼上集犧牲色相，俾人用氣球塞下體玩爆破之後，今次就被Prank要拍「ERROR流忍者」。阿Dee有個招式「鳳凰不死鳥」，他被指使衝向前出招，點知跑跑吓跌落兩米深陷阱，令他崩潰表示「又呃我信任」！即使再次中伏，他依然關心「有冇ERROR流忍者」，換來Mike一句Hea覆「都有嘅！」，而且最爆笑係陷阱入面有贊助商的薯片用作防撞，完美植入廣告，觀眾睇完都話第一次咁唔抗拒睇廣告！