ERROR為歐國盃講波 193被「死亡恆星」傷下體腫到變猴頭菇

2021-05-13 17:58

ERROR將為歐國盃任「講波佬」，冇底線的四人到時會否太激動爆粗？曾在直播中爆粗而引起風波的保錡說：「我唔爆粗㗎！戒咗啦！」自稱「保錡字典」的肥仔即代為翻譯：「保錡意思係除咗ERROR拍節目之外，都唔會喺鏡頭前講粗口！」193即場玩爆粗：「我哋冇嗰啲足金X猴做吉祥物㗎，哈哈！同埋負責輕鬆部分，例如讚吓C朗個波好大之類！」阿Dee亦謂有「全能」的強尼傍實，故不擔心有甩漏。

談到4人主持的《ERROR自肥企画》熱播，193在節目被「死亡恆星」射中下體，他大談當時情況：「下體又紅又腫，仲痛到有啲休克，一度想入醫院𠻹！本來想即場檢查下體有冇反應，但又有攝影機影住，而家大咗㗎，由金菇變猴頭菇！」阿Dee贏得一噸啤酒，但他笑指：「通告太多，淨係飲咗兩支！」肥仔笑謂對方已開始酗酒；193則希望他不要酒後亂性狂生仔。早前保錡停工自肅，是否「解凍」才有機會拍廣告？193就指：「冇話過雪佢，佢自己想休息啫，人哋夾硬迫佢做嘢，幾勁呀！」保錡尷尬表示：「係囉！之後嘅工作就係講波囉！」

對於網友熱捧ERROR做東京奧運主持，曾是學校籃球隊的193最想旁述籃球；肥仔就想講女排；阿Dee則想講體操，即被取笑想睇男人着緊身褲，他附和說：「美國嗰啲好大碌！」；保錡最想旁述短跑：「因為講十幾秒就收工，呃騷錢一流呀！哈哈！」193即笑說：「千祈唔好搵我哋講馬拉松！」

此外193與吳業坤（坤哥）的跨台世紀合照引起熱話，他透露：「一年前同好朋友Cover坤哥首歌，佢當時有留言，不過大家各有各忙，佢之前又唔喺香港，所以而家先合作。私下都認識嘅，今次純粹玩吓，我哋應該6月會出歌。」193早前被揭與「Dee姐」陳海寧（Isabella）疑似Post隔空約會相，他避談二人緋聞。