《自肥企画》致敬Backstreet Boys 阿Dee神還原AJ蘭花手笑死肥仔
2021-05-14 17:30 
《ERROR自肥企画》超好笑，尋晚嗰集ERROR更全集扮外國人講英文，訴說對香港的感情，連探靈都講英文，可唔可以唔好咁黐線。片末ERROR更大唱Backstreet Boys經典歌《I Want It That Way》，唔只唱仲要全Copy 真身MV，背景、舞蹈都抄到足，何啟華（阿Dee）「神還原」AJ的蘭花手獲網友激讚，連肥仔喺拍攝時都忍唔住笑。
阿Dee在IG Story表示堂哥及哥哥是BSB歌迷，所以佢自細就被迫扮AJ，皆因冇人想做佢，「想不到命運的捉弄下，長大後也要扮AJ！」而梁業（肥仔）亦上載阿Dee及保錡錄音的片段，阿Dee錄音時已瘋狂蘭花手，但不斷走音，反觀保錡唱功不俗，肥仔留言說：「 喺度送上Error 2子錄音片段，得2段係因為3哥早一日錄咗，而我呢就無人幫我拍。dee哥AJ上身做得好好；保錡開頭唱得幾好，後面就......」明示冇人幫佢拍片好慘咁話。
尋晚節目播出後，真《I Want It That Way》MV被瘋狂洗版，有網友將真身同ERROR版MV夾埋對比，可見後者爆笑還原，多謝無制限 OT 編集団。
關鍵字
最新回應