王梓軒邀請IG直播講心事 張繼聰唔介意被指廢柴

王梓軒日前邀請娛樂圈中的「模範爸爸」張繼聰開IG直播，兩人大談音樂人生。梓軒讚阿聰新歌《David Harleyson》好正好有型。兩人憶述初相識時經常合作，不時傾訴心事。這次直播中，阿聰坦言自己二十多歲便結婚當爸爸，由男孩蛻變成男人的過程絕不容易。

阿聰表示自己都是一個普通男仔，二十多歲便要返工賺錢養小朋友，生活不容易，面對負面攻擊，又不知如何向別人解釋︰「其實我有嘢做㗎！我唔係淨係靠老婆㗎！我寫歌每個月都有收入！」阿聰說：「我由細到大算好tough，但持續幾年，蛇都死啦！我寫幾多歌，攞創作人獎，都冇人respect(尊重)……」

後來阿聰看開了，不介意惡言評論：「你哋覺得我係廢柴又好、食軟飯又好，乜標籤都冇所謂，某程度嗰個都唔係我，認識我嘅人只有我身邊嘅人，把口生喺人哋度，佢可以講任何嘢，但我可以揀認唔認同。」多年來的磨練，使阿聰懂得調節心態，面對負面評論，最多容許自己生氣8分鐘！最後梓軒表明這次對談分享讓他獲益良多。