訓練仔女做車手　張繼聰傍實囡囡「龜速」兜風

張繼聰（阿聰）最近迷上玩復古電單車，早前還相約森美、張振朗等去遊車河，昨晚他於IG貼出一條短片，並留言：「Little bikers. 慢得嚟有速度感，安全得嚟車手表示有感覺。爸爸表示好開心，同埋行到成身汗 #litterbikes #vespa」由於疫情爆發冇得周圍去，所以阿聰近日買咗兩架兒童電單車，趁夜晚冇乜人就喺屋苑內，同一對寶貝仔女張瞻（James）和張靖（Karina）進行「車手」訓練。片中，兩子女都戴上口罩和頭盔，在小路上以「龜速」慢駛，阿聰更一直於細女車後尾隨傍到實，非常小心，難怪他都表示行到流晒汗！

今日阿聰又自嘲化身「龍友」，並貼出James與Karina駕着電單車「風馳電掣」的英姿，估唔到3歲的Karina人仔細細咁勇敢、揸得咁穩定，連一眾網民都大讚又Cute又有型！另一老竇、Dear Jane主音Tim（黃天翱）也留言邀約：「Tanya（兩歲多女兒黃子霏）都有架 #蝦李Daviddaughter。搵日遊車河。」看來可以嚟一場「星級BB」大賽喎！