送迷你版任揸　張繼聰導仔女迷上電單車

張繼聰出名錫一對仔女張瞻同張靖，特別係3歲嘅細女，仲成日出Post話同個女去拍拖，所以佢自己瘋狂鍾意嘅嘢，又點會唔同一對仔女分享先。阿聰近年迷上玩古董電單車，成日約埋班麻甩佬去遊車河，仲影埋唔少寫真相，最近佢仲打算導埋一對仔女愛上玩電單車，專登買咗架迷你版嘅電單車畀囡囡，一家又不時玩夜遊，見張瞻同張靖揸得咁開心，睇嚟都同爸爸一樣鍾意咗喎！