疫情緩和終於可探「親」黃子華陪契仔Jazz踢波

2020-09-23 19:45

蘇永康囝囝蘇展弘(Jazz)嘅契爺係黃子華，可能見疫情緩和，昨日子華就去蘇康家探望契仔，更赤腳陪契仔踢波。

「哎吔兩仔爺」踢波咁過癮，蘇康當然有拍低仲放上網益街坊，並留言：「難得契爺有興趣陪Jazz踢波，大人細路都咁投入，贏輸有乜所謂!感恩。」片中Jazz一身足球小將look，十分可愛，與契爺黃子華互相搓波，功架十足。子華以英文問Jazz，你要上足球堂?蘇康回應，「柴娃娃㗎咋。」而Jazz眼中只有足球，完全無視子華神，非常大膽。

最後子華轉問身旁的蘇康：「上堂要戴住口罩咁踢？」蘇康表示:「我都唔知，應該要。」子華回應：「唔係戴住口罩踢咁慘嘛!」不少網民留言指Jazz長大不少，又對久未露面的子華神展露心心眼，Jazz就好啦，有子華神做契爺真係幸福。