帶台式茶飲店回流香港鄧麗欣讚男友王子專一唔多心

2020-09-10 16:08

2018年，鄧麗欣（Stephy）在台創立茶飲店「1011 SIP TEA」，主打多款芝士奶蓋、珍珠鮮奶及果茶。短短兩年已開了10間分店，業務遍佈美國、加拿大及馬來西亞等地。最近Stephy終於帶茶飲店回流返香港，在銅鑼灣開設快閃店，Stephy更在試業期間充當一日店長，親自落鋪招呼客人，並即席沖製招牌茶飲畀來賓朋友。

問到男友邱勝翊（王子）可有品嘗過她的「愛心特飲」？「茶飲女王」Stephy冧滋滋表示：「佢好似未飲過呀，因為我淨係識沖啲最基本嘅茶飲，佢比較專情、專一，就算比好多其他款式佢揀，佢都淨係揀珍珠奶茶。」Stephy透露品牌在香港用快閃形式營運是想像太空人一樣，在港九新界都有落腳點，所以一個月後就會快閃去沙田。對於疫市開店，Stephy坦言其他加盟店亦於不同城市開店，疫情下營業額不跌反升，令她更有信心在疫市下於香港開店。