請童年偶像Stephy作客 Anson Lo@Mirror大晒爆笑廚藝
2020-09-04 16:29 
男子組合MIRROR嘅YouTube Channel有新片上架，就係成員Anson Lo（盧瀚霆）煮飯仔招待偶像鄧麗欣（Stephy）。兩人因拍攝ViuTV劇集《男排女將》結緣，席間Anson Lo更完成心願，與Stephy合唱其首本名曲《他不准我哭》。
三道菜都由Anson Lo親自下廚，分別是煎比目魚、西檸雞及炒西蘭花。在煮西檸雞的時候，Anson Lo落了大量砂糖，他更指這是自己研究的心得，但絕對不能被Stephy知道高糖分醬汁一事。Stephy首先試味西檸雞，她大讚西檸汁令Anson Lo即刻滴晒冷汗，不敢多言。炒西蘭花則因為Anson Lo將蜜糖誤當油，導致成品顏色啡啡地，加上未煮熟質感好硬，Stephy笑言「無諗過炒西蘭花會出事」。Anson Lo再叫Stephy試食比目魚，全因一向見到生魚都怕的他獻出煎魚的第一次。對方反而比較關心伴碟的車厘茄，更指好似幾好食，Anson Lo唯有苦笑。
今次節目邀請Stephy做嘉賓並非食嘢咁簡單，其實Anson Lo還有一個小心願，就是合唱一曲。Anson Lo表示在拍劇期間已一直有此想法，但唔夠膽講出口。他指以前用過Stephy的歌曲作為鈴聲，更指「好多年前已經用」，表演如何一秒激嬲偶像。不過Stephy又點會介意，最後二人合唱《他不准我哭》完美作結。
關鍵字
最新回應