跳入新城做主持可宜最想訪問薛家燕

2020-09-10 12:57

可宜唔上口材了得，身材仲好唔錯。加入新城電台，頭炮她訪問燒鵝店創辦人誠哥，分享他的創業之路。

剛獲「甲一籃神」鄭錦興求婚嘅ViuTV混血兒主持可宜（Natalie），最近跳入新城電台主持新節目《我的香港，我的「誠」傳》。頭炮訪問燒鵝店創辦人誠哥兒子，分享他的創業之路、如何在疫情中不斷進步和傳承有「香港人味道」的燒味文化。可宜話最想訪問薛家燕(家燕姐)，因為由細睇到佢大：「好開心可以同佢做到新城同事，同佢有幾面之緣但未真正合作過，如果節目訪問到佢就太好喇，佢個人好開心，又正能量，又做好多慈善嘢，同我哋節目宗指好類近，」

對於今次有機會於電台擔任主持一職，她感謝伯樂鄭啟泰的穿針引線。因為疫情關係，商場及展覽活動減少，令可宜擔任司儀的收入帶來影響，有幸被鄭啟泰引薦給新城電台，令她有機會作多方面的嘗試。對於在電台做節目可宜抱有期待，因為說話範圍不再受到束縛，發揮空間更多，同時可以突顯個性。