拍新歌《乾爹》MV冇底線　關智斌濕身自摸太大膽

關智斌（Kenny）日前作客TVB娛樂新聞台節目《StarTalk》，接受主播許文軒（Edmond）專訪，大談重拾歌手身份推出新歌《乾爹》感受。Kenny説：「今次得到Dear Jane嘅Howie寫歌，佢個Demo把聲好磁性，唔知關唔關嗰排睇緊《愛的迫降》事，一聽隻歌已經有韓劇Feel，好有畫面。本身今年想造多啲快歌，但聽咗之後唔想錯過呢次機會，所以即刻要咗首歌。另外有Dear Jane另一成員Tim幫手做監製，喺佢嘅帶領下用咗新嘅唱腔，減少咗啲氣聲，人越大覺得唱歌係用感情表達，而且我又唔係啲技巧型歌手，所以今次錄音以Feel行先，想用情感去打動人，唔再以聲音嘅Quality而行。」



提到MV題材大膽，Kenny說：「導演有問自己有冇底線，其實畀條褲我都OK，不過我好驚啲人以為我為咗祼露而祼露，但今次MV真係有咁嘅需要，講都市人好寂寞，玩App識人嘅即食感情。當中有一場喺浴缸自己摸自己嘅戲，拍嘅時候唔覺大膽，因為投入咗個角色，但睇返之後自己都『嘩！』一聲，原來意識咁大膽，𠵱家講返面都紅晒，但呢一場戲最終冇放入MV內，只係放咗上網當宣傳。」