《聖荷西謀殺案》海報條頸被笑太長　阿Sa鬼馬整片自嘲以長頸鹿

阿Sa蔡卓妍跟鄭秀文（Sammi）和佟大為合演的電影《聖荷西謀殺案》，終於鐵定9月25日（星期五）上映，由於電影已拍完差不多3年，加上近排疫情關係困喺屋企太耐，所以阿Sa收到消息特別興奮，仲話好希望入去戲院睇戲。而為咗配合電影上映，終極海報亦曝光，海報以淡粉紅色為主調，Sammi、阿Sa與佟大為置身於艷麗的帶刺玫瑰叢中，潛藏各人的愛恨交纏。雖然海報美感十足，不過亦有網友錯重點，竟然發現阿Sa條頸好似比平時長咗啲，鬼馬嘅阿Sa知道後，即時幽自己一默，喺ig限時動態，自製片段笑自己似長頸鹿，仲專登將自己條頸整長啲，再寫住：「再長啲又得！得咗！」真係好搞笑！