開YouTube頻道玩音樂 馬天佑搵返2000年新秀梁浩賢合唱《含蓄》

最近馬天佑又有新搞作，搵嚟已轉行做金融事業嘅2000年《華人新秀歌唱大賽》冠軍梁浩賢，喺佢個人YouTube 頻道《0號實驗室》合作翻唱藍奕邦第一份出售曲詞作品《含蓄》。原來馬天佑同梁浩然素未謀面，透過共同朋友介紹下認識及合作，加上馬天佑認為梁浩賢當年的經典作品《含蓄》 是他很喜歡嘅歌曲，大家一拍即合，很有默契。馬天佑大讚梁浩然係唱得之人。

馬天佑呢個企劃，靈感來自外國的youtube channel COLORS，每首作品都會把兩首歌曲串連起嚟，馬天佑親自參與選曲和編曲部份，本身活躍時裝、化妝及造型界的他，玩音樂同時，也會突破既定嘅視覺框框。

講返久違了嘅梁浩然，當年他以大熱姿態成為冠軍後即簽約華星唱片，老闆又錫到燶，儲落唔少粉絲，不過推出過一隻碟後，就遇上唱片公司華星關門，之後他的星途浮浮沉沉，雖然之後簽過模特兒公司，但發展並不理想， 最後同朋友喺尖沙咀合資川菜館做老闆，近年他從事金融事業，但心底裏並冇放棄音樂！