【獨家】首撰曲詞監製向花姐讚好 Ian@MIRROR似見家長過關

2020-09-02 23:57
Ian首次撰寫曲詞,獲監製王雙駿在花姐面前讚好,似讀書時老師見家長順利過關。
Ian首次撰寫曲詞,獲監製王雙駿在花姐面前讚好,似讀書時老師見家長順利過關。

MIRROR成員Ian(陳卓賢)最近推出第4首單曲《鯨落》,首次包辦曲詞創作,他笑言得知監製王雙駿向花姐讚他寫得好,感覺似讀書時見家長過關。Ian又構思歌曲MV以動畫形式呈現,在疫情下決定利用募集粉絲畫作,令粉絲能夠一齊參與,而早前出post晒肌,就是趁機答謝fans。本身是周星馳迷的他,又開心自爆將會演出喜劇,試鏡時憑住碌地而獲得導演垂青。撰文:杜淑霞 攝影:梁志明 形象:Felix Wong ,Daniel chu 髮型:Denny Ku @ Chic Private I Salon 化妝:Rainbow Chung @Annie G. Chan Makeup centre 服裝:Hugo、Diesel 場地:The Stadium

Ian首次撰寫曲詞,獲監製王雙駿在花姐面前讚好,似讀書時老師見家長順利過關。
Ian首次撰寫曲詞,獲監製王雙駿在花姐面前讚好,似讀書時老師見家長順利過關。
Ian首次為歌曲包辦曲詞,他坦承未交「功課」前一直好懷疑自己作品水準。
Ian首次為歌曲包辦曲詞,他坦承未交「功課」前一直好懷疑自己作品水準。




今次Ian先寫好曲,再獲得監製王雙駿批准親自寫詞,他就將自己看到一篇網上文章了解到鯨魚死後沉落海底,不但成為其他魚的大餐,更為海床帶來很多養分,「鯨落」是犧牲也是成全,就將這份淒美感覺化成歌詞。他最初都擔心能否順利過監製一關,「佢冇特別comment話好定唔好,後尾我知道,佢有同花姐讚過我,自己好開心。(好似老師見完家長咁?)直情係咁,因為老師平時唔會點讚人,原來同家長講幾好喎!嗰吓係好開心嘅,好大鼓舞。」

講到即將開拍喜劇,Ian既興奮又期待。
講到即將開拍喜劇,Ian既興奮又期待。
MV加入投射一幕,Ian原本為已改期的MIRROR演唱會舞台效果準備。
MV加入投射一幕,Ian原本為已改期的MIRROR演唱會舞台效果準備。



寫完歌Ian已構思好MV用全動畫,就像卡通電影一樣,「覺得呢首歌好似幾啱,出到嚟好唯美、好淒美咁樣。(又難搵到鯨魚嚟拍?)哈哈!都係嘅,同埋呢首歌太寫實唔係太啱個感覺。」因為疫情他更想到邀請粉絲一齊參與,「想同fans一齊去完成個MV,於是就招募大家嘅畫作。」由於反應太熱烈,收到逾千份畫作,雖然MV未能全部用上,他考慮年底MIRROR演唱會時會再想方法用。不過為了答謝fans,他早前激罕在網上晒肌,「見靜靜哋同大家分享吓囉!」他坦承為新劇《男排女將》,操得比做運動員時線條更fit。




本身好鍾意睇喜劇的Ian,又自爆將會首次拍喜劇,角色同自己一樣愛挑戰新事物,「我係負責古露精怪碌晒地嗰啲嚟,導演話點解揀我,因為我casting嗰時,有一幕我衝入去就直接碌地,導演就話睇你個樣估唔到你會做啲咁嘅嘢,所以你應該可以做到呢個角色。佢同我對緊戲時,已經問我『你係咪好鍾意睇周星馳』我話係,所以佢覺得我做呢個角色應該OK,所以揀咗我演呢套戲囉!」他又解釋私底下有搞笑一面,「我私底下同啲朋友相處,譬如同MIRROR啲兄弟傾偈,其實我都係搞笑居多嘅,唔係大家睇到我唔出聲好靜。」

Ian為MV募集fans畫作,反應相當熱烈令他好感動。
Ian為MV募集fans畫作,反應相當熱烈令他好感動。
為答謝粉絲支持,Ian早前突然在網上晒爆肌相。
為答謝粉絲支持,Ian早前突然在網上晒爆肌相。
Ian出道以來,一直深得粉絲支持及愛戴。
Ian出道以來,一直深得粉絲支持及愛戴。
關鍵字

最新回應

關鍵字

相關新聞

熱門文章