拍新歌《乾爹》MV冇底线　关智斌湿身自摸太大胆

关智斌（Kenny）日前作客TVB娱乐新闻台节目《StarTalk》，接受主播许文轩（Edmond）专访，大谈重拾歌手身份推出新歌《乾爹》感受。Kenny説：「今次得到Dear Jane嘅Howie写歌，佢个Demo把声好磁性，唔知关唔关嗰排睇紧《爱的迫降》事，一听只歌已经有韩剧Feel，好有画面。本身今年想造多啲快歌，但听咗之后唔想错过呢次机会，所以即刻要咗首歌。另外有Dear Jane另一成员Tim帮手做监制，喺佢嘅带领下用咗新嘅唱腔，减少咗啲气声，人越大觉得唱歌系用感情表达，而且我又唔系啲技巧型歌手，所以今次录音以Feel行先，想用情感去打动人，唔再以声音嘅Quality而行。」



提到MV题材大胆，Kenny说：「导演有问自己有冇底线，其实畀条裤我都OK，不过我好惊啲人以为我为咗祼露而祼露，但今次MV真系有咁嘅需要，讲都市人好寂寞，玩App识人嘅即食感情。当中有一场喺浴缸自己摸自己嘅戏，拍嘅时候唔觉大胆，因为投入咗个角色，但睇返之后自己都『哗！』一声，原来意识咁大胆，𠵱家讲返面都红晒，但呢一场戏最终冇放入MV内，只系放咗上网当宣传。」