剝衫拍MV 關智斌搵白只排戲：喊到成屋紙巾

關智斌（Kenny）新廣東歌《乾爹》MV昨晚（6日）上架，他給自己挑戰，拍攝一個2分20秒、一take過展現內心情緒的長鏡頭，為此特別找來好友幫手。Kenny說：「我邀請白只同我上咗幾堂acting class，佢畀咗好多意見我，我好多謝白只呢位朋友，因為有時佢比我更了解我自己，點樣要我抽絲剝繭去搵我個情緒出嚟。同埋我真係為咗呢個shot，喺屋企練咗幾晚戲，喊到成屋都係紙巾！」

Kenny另一個挑戰是節食，第一個場景在酒店拍攝，要拍出以為自己開心，實際上卻是很傷感的感覺，導演要拍出唯美的畫面，「就係要我唔好着衫，所以呢幾日除咗要練戲，更要做運動、節食，希望可以配合到導演嘅要求。」