着牛仔布和服拍寫真　關智斌日本遇隱世高人

關智斌（Kenny）早前為寫真集《尋蝶戀花》走訪日本多個地方取景，包括東京、伊豆、大島、大阪及岡山。去到最後一站岡山，當地最有名的就是造牛仔布，很多世界知名品牌都是用岡山的牛仔布造出來，故Kenny第一時間便挑選了牛仔布和服來穿，他說：「呢個係日本一個好出名嘅一個專係造Japanese Blue denim嘅地方嘅布嚟設計出呢套和服，隻藍色更加係呢度獨有。呢個條紋喺和服嚟講係幾signature，有好多仔細嘅花紋喺呢個條紋之中，全部都係一針一線，再拼落牛仔布上，係傳統工藝混合現代設計。」

拍畢和服照，Kenny便到當地一間專食牛的餐廳醫肚，店內最特別的是全部牛肉風乾過，抽乾水份後再燒。在Kenny吃得津津有味時，其身後突然傳來口琴聲，更吹出他最喜歡的日本動畫《新世紀福音戰士》主題曲，聽到自己喜歡的歌曲，Kenny即興奮得手舞足蹈：「好開心，冇諗到喺岡山一間店舖入面會有一個隱世高人喺度，佢更加係連續三年拎咗全國嘅口琴冠軍！佢知道我哋係香港嚟，特登款待我哋，除咗俾好嘢我哋食，更特登吹奏一曲，佢仲知道我鍾意《EVA》喎。」