患癌老公肺炎和血管閉塞入院 肥媽將病房變工作室貼身陪住

3年前，肥媽（Maria Cordero）的葡籍老公Rick患上肺腺癌末期，昨晚肥媽上載片段到社交網，片中可見她身處醫院，而丈夫就在病牀上熟睡中，原來近日Rick因肺炎和血管閉塞入院，已留醫個多星期。

肥媽笑言已將病房變成她的工作間、睡房、廚房和士多房，她說：「呢個幾星期喺呢度不停抹同消毒，門口都出唔到，因為門口好多菌，我入嚟之前要撩鼻（鼻液測試），每7日做一次檢測，從好方面去諗即係我同老公冇肺炎(新冠肺炎)。」肥媽續說：「上個星期我真係癲，睇到老公辛苦我都頭痛，今日醫生話佢樣樣都好，見佢瞓到似個bb我就舒服，所以人一定要活在當下。」肥媽又留言多謝大家關心和慰問，所以拍片報平安，並指老公下星期出院都會親自多謝大家。