【有錢真好】老公有遊艇得閒又出海 方媛完全冇抗疫疲勞

2020-08-18 15:30
生咗兩個小朋友嘅城嫂好Fit同埋好白。
生咗兩個小朋友嘅城嫂好Fit同埋好白。

雖然早前郭富城老婆方媛(Moka)捲入「天王嫂訓練營」風波,但完全冇影響城嫂嘅心情,更高調在社交網貼出全家賀佢33歲牛一嘅溫馨照,城城更攬住老婆一齊做心心手勢,以行動話畀大家知完全無視傳聞。

生咗兩個小朋友嘅城嫂好Fit同埋好白。
生咗兩個小朋友嘅城嫂好Fit同埋好白。
城嫂係咁擺Post,所以有理由相信揸機嘅應該係城城。
城嫂係咁擺Post,所以有理由相信揸機嘅應該係城城。

有老公錫嘅城嫂好開心,所以又坐住老公嘅遊艇出海,仲做埋直播分享快樂,着住白色吊帶裙及紥住馬尾嘅城嫂好白,白到反晒光,從手機角度睇,揸機嘅應該係城城,所以城嫂係咁擺甫士,做過內地𡃁模真係唔同啲,擺極都有。不過開得直播自然吸引好多口痕網友留言,有人話想做「古天樂老婆」同「彭于晏老婆」仲希望佢介紹。

呢張相好靚,因為好好天。
呢張相好靚,因為好好天。
城嫂之前出海同朋友慶祝生日。
城嫂之前出海同朋友慶祝生日。

其實城嫂好鍾意海,唔係同老公出海就係出海同老友慶祝生日,就算香港疫情幾嚴峻對佢都毫無影響,專家叫香港人盡量Stay Home,但城城有錢又有遊艇,兩公婆出海吹海風,抗疫疲勞?咩嚟㗎?

之前郭氏夫婦一齊玩水上電單車。
之前郭氏夫婦一齊玩水上電單車。
城城抱住兩個女同老婆慶祝生日。
城城抱住兩個女同老婆慶祝生日。
一齊畀心幾Sweet。
一齊畀心幾Sweet。
關鍵字

最新回應

關鍵字

相關新聞

熱門文章