「生蛇」反遭詛咒 黎瑞恩嬲爆跟網民罵戰

2020-08-18 11:08
因為「生蛇生上眼」,小恩子跟網民掀起罵戰風波。
因為「生蛇生上眼」,小恩子跟網民掀起罵戰風波。

黎瑞恩(小恩子)日前喺社交網站上載爛面相,自爆7月23日開Live後不久,「生蛇生上眼」,條蛇搞咗她成個月,病情反覆,又癢又腫又痛,仲生晒水泡,苦不堪言,幸而病情經已向好。不過,有政見唔同嘅網民乘機發炮,甚至向她惡意攻擊及詛咒。

 

對於有網民喺「傷口灑鹽」,47歲小恩子原來仲好好火,被辣㷫的她噚晚喺社交網站發文還擊:「嘩嘩嘩,睇到一班人充滿仇恨、滿口惡言、心腸歹毒、講嚟講去三幅被嘅留言,真係唔好意思呀!我真係笑咗囉!我只係生蛇啫,我仲未死,咁快就開心到咁?不過唔緊要啦!發洩吓都好嘅,做人最緊要開心,你哋嘅祝福,上天一定睇到嘅。#唔想罵戰#承唔到你哋貴言#非常難過」唔少粉絲留言力撐安慰她,叫她要多休息,小心身體,不要動氣,時運高睇唔到、左耳入右耳出、不遭人妒是庸才…

因為「生蛇生上眼」,小恩子跟網民掀起罵戰風波。
因為「生蛇生上眼」,小恩子跟網民掀起罵戰風波。
小恩子對惡意攻擊網民,喺FB發文表達不滿。
小恩子對惡意攻擊網民,喺FB發文表達不滿。

因為病情向好,小恩子靚靚雙眼應該好快重現。
因為病情向好,小恩子靚靚雙眼應該好快重現。

關鍵字

最新回應

關鍵字

相關新聞

熱門文章