男友晒着鬆身衫合照　張紋嘉自爆被懷孕嚇親

張紋嘉（Crystal）早前與舞台劇演員男友林子傑（Ronald）拍攝ViuTV節目《調教你男友》，兩個喺節目度講感情事講到爆喊，但Crystal承認跟Ronald拍完節目後，感情真係昇華咗，早前Ronald仲親自下廚幫佢慶祝34歲生日。呢日Crystal貼出同Ronald嘅溫馨合照，仲大爆自己大肚疑雲，佢留言話：「大家之前見到Ronald post那輯相，都以為我懷孕。令到我發惡夢自己真係有咗，繼而嚇醒左。這是同一輯相，同一天，同一件衫，同一個髮型師。衣服和我身型的錯.....」其實兩人都已經同居，就算有埋BB又有幾奇啫！話晒佢都34歲係時候計劃吓啦！