【亞洲首個】開虛擬「紅館」騷  C AllStar賀成軍十周年

2020-08-18 17:50
雖然只係虛擬互動演唱會,但四子保證會見到佢哋真人演出。
雖然只係虛擬互動演唱會,但四子保證會見到佢哋真人演出。

為慶祝 C AllStar 組成十周年,四子陳健安(On仔)、梁釗峰(釗峰)、吳崇銘(King)和何建曦(Jase)將破天荒,在 8 月 28 日合體舉行亞洲首個虛擬和實景結合的網上互動《Make it Happen @10 - C AllStar Virtual Live 》演唱會,一向有玩網絡遊戲的四子形容,當知道有機會在虛擬「紅館」做演唱會時,心情比之前他們任何一個演出都更緊張更興奮。最開心的是,網上售票開賣反應熱烈,短短幾日銷量已突破九成。

 

四位成員連日來努力綵排,練歌之餘更需熟習與虛擬實景配合,成員On仔說:「呢個網上互動演唱會,意念好玩又創新,除咗係亞洲首創之外,製作單位重還原咗紅館嘅四面台舞台設計,我哋又有自己嘅虛擬角色,可以喺台上台下自由活動,鍾意就可以跳落台同觀眾互動,而大家亦可以見到多角度嘅紅館,唔係你坐邊個位,就只係睇到嗰個角度嘅嘢。」



 



雖然只係虛擬互動演唱會,但四子保證會見到佢哋真人演出。
雖然只係虛擬互動演唱會,但四子保證會見到佢哋真人演出。
東亞唱片高層Gary都落嚟探班打氣,相當重視四子演出。
東亞唱片高層Gary都落嚟探班打氣,相當重視四子演出。

保證四子現真身
C AllStar 自 2017 年起休團至今已三年,對於這次「十週年限定重組」合體演出 ,四位成員當然滿心期待,釗峰綵排時笑言:「今次唔使騷肌肉,準備好大家嘅電腦就得啦。我哋為咗今次十周年演唱會,會將一啲歌重新編排,係八二八特別版,大家一齊好好慶祝,搵返大家熟悉嘅回憶,同時準備一齊開開心心玩呢隻game。」

 
DJ King説:「我好鍾意玩呢個game,因為可以自己砌嘢,好似砌 LEGO咁,好開發思維,我最喜歡新實驗、新嘗試,好期待自己可以喺遊戲入面打碟並跟粉絲互動。」

 

SoulJase補充説:「雖然係破天荒嘅虛擬演唱會全新體驗,但保證會見到我哋真人演出,唔係只有虛擬人物,相信會為網絡玩家帶來一場難忘的演出。」由於當晚演出將結合音樂、電玩、直播及電商元素,為了增加觀眾嘅真實感,屆時玩家需要憑票及探熱進入會場,門票不劃位,座位「先到先得」。如果觀眾有過激行為將會被「場內保安」請離場館。








 

《Make it Happen @10 - C AllStar Virtual Live 》連海報設計都好有心思。
《Make it Happen @10 - C AllStar Virtual Live 》連海報設計都好有心思。
製作團隊仲精⼼打造虛擬紅館附近嘅尖沙咀街道。
製作團隊仲精⼼打造虛擬紅館附近嘅尖沙咀街道。

SoulJase 解釋:「製作團隊耗時3 個⽉精⼼打造《超級星光⼤道預熱⼩遊戲》,還原真實嘅尖沙咀街道、鐘樓、天星碼頭、文化中心、太空館、1881 等極具代表性的建築物,屆時會於虛擬世界重現,大家可以喺『尖沙咀』邊逛邊尋寶。已經買飛嘅觀眾可以由即日起進入『尖沙咀』用最短嘅路線搜到最多嘅寶物,換領由各合作夥伴送出的禮品。」

C AllStar咁快就成軍十年喇!
C AllStar咁快就成軍十年喇!
關鍵字

最新回應

關鍵字

相關新聞

熱門文章