【娛圈疫情】入院首晚冇覺好瞓 鄧達智肺部X光片冇花

本月24日，著名時裝設計師鄧達智(William)確診新冠肺炎，但至昨晚10時才獲安排入院，並隨即在當晚做了連串檢測至凌晨2時半、今早仍要繼續，當事人表示身心俱疲。

William透露暫時的測試報告：「入院即做咗好多個測試，包括抽血、照肺等，有好多嘢要量度，整個過程好攰，亦搞到好夜冇得瞓，今早亦要繼續。好彩肺部 X 光照片檢查結果顯示冇花，血和其他方面都比較正常，除咗鼻嘅新冠肺炎菌比較多，所以始終要用藥，如果菌唔多就可以避開，但而家都要用藥。」而鄧達智入住醫院的二人病房，照片中所見他繼續戴住口罩亦可穿自己衫，由於有一定知名度，亦被同房的病人認出。