【益埋老友】開社交平台放攝影大作　袁偉豪親自操刀幫張寶兒影性感靚相

袁偉豪和張寶兒這一對早前一齊買豪宅，就知打風都打唔甩，而兩人平日相處自然好密切，呢日張寶兒Po咗張充滿懷舊味道嘅黑白泳衣照，仲留言話：「Whiletime never stays,Elegance stays timeless.（雖然時間永遠不會過去，優雅永不過時。）P.S.以後的孫子會不會這樣懷緬年輕時候的嫲嫲/婆婆？」而識做嘅男友，當然第一時間回應：「教到佢哋會」其實袁偉豪除咗反應夠快，呢張性感靚相都係佢親自操刀，原來他已非第一次幫女友影靚相。而近年愛上攝影的袁偉豪，仲開咗個社交平台「@benontheview」專門放自己嘅攝影大作，影得最多的模特兒當然非女友寶兒莫屬，亦都唔少得袁媽媽，除此之外，一班老友好友胡定欣、黃智雯、黃翠如、胡蓓蔚和陳山聰等都一樣有份㗎！