【登登登登】 祖兒生日之群星玩配音花絮 軒仔Kenny忍唔到笑
2020-06-18 09:30 
本周二係容祖兒40歲生日，一眾英皇老友記如回復單身的阿嬌、阿Sa、關智斌、張敬軒及永遠老母霍汶希齊集軒仔嘅豪宅同壽星女開Party，食完蛋糕飲完香檳當然要玩吓遊戲，有男有女最好玩角色扮演加配音Game。
片段日前已公開，但花絮就尋晚先登場，首先壽星女出場，佢搞吓耳環又剩，背後係群星發出登登登懶緊張嘅聲音，之後輪到阿Sa出場，佢以八婆聲話祖兒咁多首飾喺身，都唔知係咪畀人包，然後軒仔聲嘅祖兒澄清，眾人已經被燃起笑意，到阿嬌出場，Kenny以溫柔帶激昂嘅聲線講出，「太太，我啲首飾係老公送㗎。」全場即時爆笑，軒仔更笑到成個人係咁郁，非常有動感，雖然好好笑，但祖兒仍然記得要登登登登，係一個盡責嘅配音員，至於Kenny，佢笑到好大聲，大聲到Mani要用手掩住佢個口。
關鍵字
最新回應