新劇煞科唔急同馬明拍拖 湯洛雯瞓個靚覺先

2020-06-18 16:59
靚湯被問馬明最好彩是否識到她?她即謂滴汗中。
靚湯被問馬明最好彩是否識到她?她即謂滴汗中。

湯洛雯及蕭正楠在電視城拍攝新劇《一笑渡凡間》,阿蕭透露此劇已因天氣問題延期煞科了3、4次,最誇張試過等8小時停雨才拍1、2小時戲,故不敢誇口今日能煞科。靚湯自爆已向阿蕭下禁令,嚴禁對方提煞科一詞,皆因阿蕭開口中,說了便拍不完。
問到煞科後是否能全情投入與馬國明拍拖?靚湯支吾以對:「我會瞓覺先囉!再做些正常人會做的事,加上媽咪就生日要慶祝。(叫馬明一起慶祝?)未計劃呀,開劇較難約。(先約他陪爸爸慶祝父親節?)未傾,工作為先啦!」阿蕭即搭嘴說:「你已經送了最好的父親節禮物啦,聽聞你爸爸好鍾意馬明!」
談到馬明在社交網站上載彩虹相,寓意想起靚湯?她笑說:「我看不到彩虹喎!他好彩囉!(最好彩是識到你?)我滴晒汗喇!哈哈!(你教他玩限時動態?)他有問過我,但不是全部我教,幾個功能好易學啫!」再追問靚湯有否留意黃心穎在社交網站發文,暗示有人未能共患難?靚湯直言沒留言,皆因拍劇忙得連自己的新聞也沒看,放工只想睡覺。
此外,對於黃翠如踢爆阿蕭早知情,靚湯澄清阿蕭從未過問;阿蕭坦言只是跟翠如說過「湯馬」同是單身又合襯,又笑說:「廢事估錯就尷尬啦!你知公司幾多流言蜚語㗎啦!(你估中喎。)退休時考慮一下轉做算命。」

靚湯被問馬明最好彩是否識到她?她即謂滴汗中。
靚湯被問馬明最好彩是否識到她?她即謂滴汗中。
蕭正楠謂靚湯與馬明拍拖,已送了最好禮物給湯爸爸。
蕭正楠謂靚湯與馬明拍拖,已送了最好禮物給湯爸爸。

新劇煞科,蜜運中的靚湯笑得特別開心。
新劇煞科,蜜運中的靚湯笑得特別開心。
阿蕭話早就覺得湯馬合襯。
阿蕭話早就覺得湯馬合襯。

關鍵字

最新回應

關鍵字

相關新聞

熱門文章