晒赤膊照向胡子彤學習 吳肇軒盼早日成「露體魔人」

2020-06-18 11:30
吳肇軒稱要向胡子彤學習,早日成為露體魔人。
吳肇軒稱要向胡子彤學習,早日成為露體魔人。

影壇小鮮肉吳肇軒、胡子彤、朱鑑然和林家熙好老友,早前仲孖住一齊去沙灘Camping,天氣咁熱,運動員出身的胡子彤和朱鑑然梗係要除衫晒肌啦,不過睇勻成輯相,唔知係怕俾蚊叮?抑或怕身材被比下去呢?吳肇軒和林家熙就全程都好密實。事隔1個月,昨日吳肇軒忽然於IG貼出一張赤裸上身瞓喺帳幕的相,雖然兩點同腹肌都巧妙地遮晒,基本上都冇乜嘢睇,但他揚言:「向胡子彤學習,早日成為露體魔人。」相信是打算努力操肌。

吳肇軒稱要向胡子彤學習,早日成為露體魔人。
吳肇軒稱要向胡子彤學習,早日成為露體魔人。
吳肇軒晒赤膊照,但兩點同腹肌都遮晒。
吳肇軒晒赤膊照,但兩點同腹肌都遮晒。

對此,胡子彤留言:「喂,我邊有啫。」否認是「露體魔人」,不過唔知係咪有人會錯意呢?吳肇軒即Tag其餘兩兄弟並謂:「佢話佢冇。」究竟係冇咩呢?林家熙就幫胡子彤解圍:「佢都唔係呢個意思。」咁係咩意思呢?大概只有他們4人先Get到。另邊廂,蔣雅文妹妹蔣雅詩都有留言,她打趣道:「唔好喺我面前露兩粒(點),我會剪走佢。」睇到對方咁「暴力」,吳肇軒都即刻笠水說:「um...唔好跟我去沙灘玩。」笑死!

(左起)胡子彤、吳肇軒、林家熙和朱鑑然早前一齊去沙灘露營。
(左起)胡子彤、吳肇軒、林家熙和朱鑑然早前一齊去沙灘露營。
其實吳肇軒都有啲嘢睇。
其實吳肇軒都有啲嘢睇。

吳肇軒之前都練到手臂好大隻。
吳肇軒之前都練到手臂好大隻。
胡子彤個Body好Fit!
胡子彤個Body好Fit!
胡子彤都真係好鍾意露。
胡子彤都真係好鍾意露。
關鍵字

最新回應

關鍵字

相關新聞

熱門文章