【益埋老友】开社交平台放摄影大作　袁伟豪亲自操刀帮张宝儿影性感靓相

袁伟豪和张宝儿这一对早前一齐买豪宅，就知打风都打唔甩，而两人平日相处自然好密切，呢日张宝儿Po咗张充满怀旧味道嘅黑白泳衣照，仲留言话：「Whiletime never stays,Elegance stays timeless.（虽然时间永远不会过去，优雅永不过时。）P.S.以后的孙子会不会这样怀缅年轻时候的嫲嫲/婆婆？」而识做嘅男友，当然第一时间回应：「教到佢哋会」其实袁伟豪除咗反应够快，呢张性感靓相都系佢亲自操刀，原来他已非第一次帮女友影靓相。而近年爱上摄影的袁伟豪，仲开咗个社交平台「@benontheview」专门放自己嘅摄影大作，影得最多的模特儿当然非女友宝儿莫属，亦都唔少得袁妈妈，除此之外，一班老友好友胡定欣、黄智雯、黄翠如、胡蓓蔚和陈山聪等都一样有份㗎！