【頭條獨家】9月簽紙結婚下年1月擺酒 倪晨曦努力督促未婚夫減肥

2020-06-18 23:00
倪晨曦透露將於9月簽紙,預計明年初在港補擺喜酒。
倪晨曦透露將於9月簽紙,預計明年初在港補擺喜酒。

因為疫情影響,倪晨曦(Elva)於去年12月開張的Yoga Studio生意受重挫,而原定2月尾舉行的婚禮亦要改期,以為Elva好煩惱,殊不知她卻非常正面:「呢段時間係上天畀大家唞唞,反省之前有乜做得唔好,我自己都過得好充實,身體調整咗,陪另一半多咗,又多咗時間打理Studio,感覺幾好。」結婚大小事均由未婚夫處理,預計9月簽紙,明年初補擺喜酒,待嫁的Elva只負責督促另一半減肥,真梳乎。撰文:黎寶倫 攝影:李維隆

倪晨曦透露將於9月簽紙,預計明年初在港補擺喜酒。
倪晨曦透露將於9月簽紙,預計明年初在港補擺喜酒。
Elva穿上塑膠廢料循環再造的運動服,她指好透氣、好舒服。
Elva穿上塑膠廢料循環再造的運動服,她指好透氣、好舒服。

倪晨曦早前為運動品牌全新的產品到大浪灣拍攝宣傳照,一向注重環保的她,平日不但會循環再用膠樽種牛油果、蔥等,連瑜伽店也採用環保設計。提到受疫情影響,店舖需停業48日致損失6位數,Elva樂觀表示:「相信黑暗之後都會有黎明,大家心態要平衡,唔好畀負面嘢影響自己心情,亦唔需要太多抱怨,最緊要做好自己。」經常周圍飛的她又謂,這段日子多了時間陪未婚夫Vincent,「雖然佢把口冇講過,但心裏可能有少少抱怨,始終真係少時間喺佢身邊,所以近4個月唔使飛,佢都好開心!」

關注海洋保育的Elva沿着海岸執垃圾,她呼籲大家減少使用塑膠產品。
關注海洋保育的Elva沿着海岸執垃圾,她呼籲大家減少使用塑膠產品。
抗疫期間Vincent食肥咗,Elva笑言只要求對方唔好有大肚腩。
抗疫期間Vincent食肥咗,Elva笑言只要求對方唔好有大肚腩。

擺酒滿足屋企人
至於原定2月在港舉行的婚宴,Elva透露暫時延至明年1月補辦,但一對新人會先於今年9月簽紙結婚,屆時其父母也會從加拿大回港見證,問可有為押後婚禮而惆悵?她說:「其實感情係兩個人之間嘅事,本身都覺得婚宴係滿足屋企人,因為長輩想要好喜慶嘅場面,同大家分享喜悅,所以幾時搞都得。」

Studio生意大受打擊,Elva稱正向業主洽談舒緩方案。
Studio生意大受打擊,Elva稱正向業主洽談舒緩方案。
即使要隔離14日,Elva父母都打算9月回港見證囡囡簽紙。
即使要隔離14日,Elva父母都打算9月回港見證囡囡簽紙。
Elva與姊妹團於今年1月中飛到夏威夷舉行Bridal Shower。
Elva與姊妹團於今年1月中飛到夏威夷舉行Bridal Shower。
關鍵字

最新回應

關鍵字

相關新聞

熱門文章