苦練嘉欣BB笑容2.0 　陳家樂望面前表演獲官方認證

最近陳家樂跟林嘉欣合作電影《死因無可疑》，兩人變得熟絡，原來識咗嘉欣咁耐，家樂有樣嘢一直好想喺嘉欣面前表演，佢Po出兩人笑晒口合照，留言話：「傳說嘉欣bb既笑容傾國傾城，可以溶掉世間男人既心，為左呢個笑容我用左5年時間去苦練，今日終於鼓起勇氣係佢面前表演☺️，希望佢會官方認證我係『嘉欣bb笑容2.0』啦！#認真練習過#傾唔到國傾唔到城#傾下屋邨都得掛」呢個Po當然引起唔少網友反應，有人即刻話：「我女神呀」估唔到家樂即回應：「佢係世界㗎！」亦有網友追問家樂：「鬼馬啦搭埋膊頭 嘉欣bb有冇同意」、「叫嘉欣bb同你講：陳家樂你認真曳啊 我要罰你留堂」。