樂●活｜讓主子成為主角

 呢兩日天氣明顯涼咗，最啱帶埋主子去玩！

要帶主子去玩，首要就係睇下目的地係咪寵物友善。山頂廣場係其中一個寵物友善購物商場，聽日（10月8日）起至10月29日期間特別為寵物家庭舉辦「山頂廣場 周末寵寵您」活動，當中設有多個寵物工作坊、體驗活動、講座，以及別出心裁的競技賽，讓主子成為主角。

 一系列為寵物及主人度身訂造嘅工作坊及體驗活動，包括介紹寵物芳香療法及調製按摩油嘅「寵物芳療及按摩工作坊」、教導參加者以天然材料調製寵物防虱防蜱消毒噴霧嘅「寵物天然護理用品及製作工作坊」、為各位萌寵主子速畫留影嘅「速寫寵物似顏繪」、讓主人了解寵物主子更多嘅「寵物塔羅體驗」，相信每個活動都能提升寵物的開心指數，同時讓主人更了解寵物的身心靈狀態。每位工作坊及體驗活動的參加者，更可獲得「寵物行為及訓練講座」及「狗狗競技賽」優先報名資格。

「寵物行為及訓練講座」由犬隻訓練師Yan Sir、犬隻訓練師及身心諮詢顧問Kwan Li主講，讓寵物及主人可以喺天台邊享受着微風，邊了解犬隻基本學習模式及正向訓練嘅運用、犬隻眼中嘅世界及訓練理念、基本指令、不搶繩散步方等實用技巧。

 

如果想你和主子表現人狗合一，並讓狗狗們大顯身手的機會來了，可以參加狗狗競技賽。山頂廣場天台會設置多條可愛賽道，讓主人和愛犬表現默契、鬥智、鬥力共奪殊榮。是次比賽只限主人帶同狗狗參與，比賽會按狗狗的肩高分組別進行比賽，而每條賽道均設有障礙物，例如雪糕筒、車輪、獨木橋、矮欄等項目，主人需用狗帶牽領狗狗一同跨越障礙到達終點，以最快嘅速度爭奪第一名寶座。另外，活動期間更設一個「最萌寵物獎」，主辦單位以參賽狗狗的服飾及比賽表現選出可愛與智慧並重的最萌寵物。

作者：Laurie Wu（愛保健愛旅遊愛購物的熟女）

[email protected]