樂●活｜藝文香港

香港其中一個特別之處，一定是集多元文化於一身嘅地方。既可搵到傳統嘅中國文化特色，亦有西方文藝特色。

好似舞火龍呢個喺中秋節期間舉辦嘅傳統活動已有過百年歷史，除咗大坑舞火龍外，薄扶林村舞火龍亦有超過百年歷史。受疫情影響，舞火龍以暫停了兩三年，而海洋公園由即日起至10月2日喺香港老大街舉辦首個薄扶林村中秋火龍展覽，讓大家可以喺疫情下透過另一個方式延續薄扶林村舞火龍習俗，令市民可更深入了解這個屬於南區人、香港人的非物質文化遺產，承傳地

道中華文化。除咗喺海洋公園暢玩、欣賞火龍展覽，仲可以報名參加公園全新海上觀光項目「探索港島南」（按此），從海中心一睹薄扶林村舞火龍「龍歸滄海」儀式嘅瀑布灣及南區其他景點，了解社區文化和學習海洋保育小知識。

位於中環嘅大館係一個集古蹟及藝術館於一身嘅建築群。更將藝術融會於文化遺產當中，大館內有三大法定古蹟：前中區警署、中央裁判司署及域多利監獄，已按照最高規格復修，保留古蹟原真性。最近，大館帶來全新立體光雕投影《綻放大館》，透過動畫展現大館嘅流芳歷史。匯演運用一系列最新立體投影技術，將大規模的動畫和圖像細節逐一呈現，照亮大館檢閱廣場，隨懷舊配樂奏起，將大館呢個19世紀的建築群幻化成活生生嘅歷史人物

首季嘅《綻放大館》中，檢閱廣場的光雕投影恍為營房大樓注入靈魂，雖然經歷歲月和風雨磨損，投射嘅剪影卻令舊建築回復昔日風光，連環嘅回憶如夢一般，現實與幻象嘅界線愈漸模糊。夢幻嘅光影展現各種場景，一瞥建築物嘅歷史之時，卻在美好嘅時光滲入混濁嘅陰影，犯罪份子嘅汽車追逐之中，卻浮現1930年代藝術嘅鼎盛風尚，在Madame Fù - Grand Café Chinois嘅沙龍享用下午茶之際，建築師嘅手繪線條卻穿梭其中，勾勒出未來革新嘅建築物，突然炮彈來襲，整個城市傷痕累累，一支印裔軍隊在步操時，蒼天又突然捲起最強颱風。如此混亂的影像，不以近距離客特寫，以荷李活電影導演施素德美觸目驚心的手法呈現，反而能演繹具震懾力的神韻。《綻放大館》將超過160年嘅歷史濃縮成每節為 12 分鐘嘅匯演。即日起每晚7時開始，每半小時上演一場，合共5次。另外，大館亦設計一款「中環石板街」嘅光雕投影，讓為期兩周的《綻放大館》更添色彩，創作異想天開嘅「石板街河」。

作者：Laurie Wu（愛保健愛旅遊愛購物的熟女）

[email protected]