樂●活｜走進動物插畫世界

以前提起現代或者當代視覺藝術到會諗起要去藝廊參觀，早前跟一個朋友南豐紗廠嘅SeedSkate室內滑板場竟然有驚喜。

喺去年成立、致力推廣本港新世代藝術家嘅網絡藝術平台「ARTW」，今年從線上跳到線下，更與曾獲Loewe、Vivienne Westwood及Adidas等國際品牌青睞嘅香港插畫藝術家皮忠合作，舉行首個ARTW實體展覽「動物世界 • MOTION & ANIMALS」，展出17幅跨越不同創作時期同動物有關嘅奇幻水彩畫作。

呢個喺南豐紗廠SeedSkate室內滑板場舉行嘅展覽會，除咗可以欣賞收藏展覽畫作外，同場仲有限量版藝術印刷紙品發售，期間更會舉行互動藝文活動，包括現場創作及對談等，喜愛皮忠風格嘅一定唔可以錯過。

展覽以「動物世界 • MOTION & ANIMALS」為題，而「動物」一詞一語雙關，既代表自然界嘅「動物」，也有「運動的物體」之意，暗合了皮忠所鍾情嘅「人與動物」主題。過往幾年因疫情造成身體和精神上嘅困頓感，自然愈加渴望自由，喺「運動的物體」逐步被重視人們社會，自然界「動物」會以何種形式存活在人類的腦海？人與動物又將如何持續共存？大家不妨可以喺展覽入面一齊發掘兼一起走出日常「困」境。 

 

有別於皮忠過往嘅畫展，17幅展出作品橫跨8年創作光陰，不同時期的作品悄然「說話」，透露畫家的情緒轉變，讓觀眾一窺皮忠的內心世界，由早期天真無憂，充滿甜蜜美好嘅幻想，到近期技藝成熟，着重抒發情緒和生活感悟，甚或表現出自嘲，例如作品「讀心術」描繪了幼時最渴望嘅超能力，到長大後卻驚覺是死亡陷阱，而作品「青蛙加自畫像」原想勉勵大家相信自己，勇於面對內心恐懼，無奈畫家愈畫愈心寒，反而無法面對自己，最終荒誕收場。預約參觀（按此）。

作者：Laurie Wu（愛保健愛旅遊愛購物的熟女） [email protected]