樂●活｜生活增添樂「脆」

趁住公眾假期，約咗一班朋友聚埋傾下偈，無諗到變咗零食大食會！

朋友之中有一個係餅乾條Die Hard Fans，每次有新味道都基本上係由呢位朋友口中得知。今次佢就帶咗4款新口味去聚會同大家開心Share。

朱古力迷一定要試兩款奢華版Pocky新品：Pocky奢華版牛奶朱古力味餅乾條及Pocky奢華版杏仁奶朱古力味餅乾條，餅乾條採用0.9%發酵牛油，配上醇厚嘅朱古力，咬下去口感鬆化又香脆。前者嘅牛奶及朱古力味道和諧融合，幼滑細膩，入口充滿濃香滋味；後者特別採用2.4%杏仁，濃郁嘅杏仁香味充斥口腔。

另外兩款就攻陷咗鍾情食鹹味餅乾條嘅Laurie，其中全新登場嘅固力果煙燻培根味餅乾條，香脆嘅餅乾條配上培根及燻木的香氣，每一口均散發出濃烈煙燻味，令培根味道層次昇華；另一款固力果煙燻芝士味餅乾條，其獨有嘅煙燻味突出，加上豐富嘅芝士鹹香，可以話係嗅覺及味覺嘅雙重享受，令Laurie一試上癮！

朋友話仲話，固力果特別推出限定版神秘福袋，Glico x AEON 35周年慶福袋只售$35，內附5件超人氣單品，限量10,000份；而Glico x YATA神秘福袋售HK$52.9，內有4件超人氣單品，限量1,000份，兩款限定版神秘福袋已於全線AEON及一田超市有售，售完即止。

香脆嘅薯片可以話係Laurie同好友必備嘅零食，蜂蜜牛油味薯片係其中一款必備口味之一。每次打開蜂蜜牛油味薯片嘅包裝，已經聞到馥郁己滋味牛油香味，而每塊薯片都充滿香甜蜜糖，更融入了意大利軟芝士，以及平均地沾有清新草香味的洋芫荽，讓略帶鹹味的薯片帶出一絲甜味，口感層次分明。今次嘅驚喜係蜂蜜牛油味薯片推出咗加大版102克包裝，同好友Share嘅時候唔使再你爭我讓！。

今次聚會，朋友仲準備咗一系列 甜點，佢話見到OK便利店由即日至10月12日舉行甜點祭，於是就買咗好多款唔同日韓甜點，其中包括來自Sweet Deluxe系列，酸甜草莓再配上吉士忌廉的MONTEUR草莓蛋糕卷5件裝，清爽不甜膩；MONTEUR朱古力班戟 選用香滑生朱古力，綿密軟糯入口即溶；14層Creamy口感的 DOMREMY牛奶千層蛋糕 層層衝擊味蕾；Seoul Milk 老虎忌廉大福，仲有牛奶、士多啤梨、咖啡口味可以揀。另外，環球雪糕自選組合系列  Ice cream Combo $54.9即可任選4件，可以揀FUTABA CREFA 奶油蛋糕冰凍甜點杯，分別有草莓、白桃口味，富含果肉，清香四溢；還有期間限定嘅井村屋香橙味麻糬冰凍甜點杯，橙味與麻糬完美融合；大件又滿足嘅FUTABA Dandy雲呢拿威化批；森永朱古力雲呢拿雪糕可麗餅，雪糕筒搖身一變成為班戟皮，配上雲呢拿雪糕和一層層朱古力脆脆，口感新奇又豐富。

與呢班好友聚會，蛋糕亦係必備。今次就選了A1 Bakery同GODIVA 聯承推出嘅72%生巧克力的雙重巧克力蛋糕。呢款同GODIVA再次聯乘合作推出嘅雙重巧克力蛋糕，用上醇黑嘅GODIVA 72%生巧克力苦甜濃醇，其外層包圍著軟綿細密嘅巧克力海綿蛋糕，上面布滿粒粒口感獨特嘅可可碎，口感層次相當豐富，而中層更混合了輕柔如絲、綿密細緻嘅GODIVA生巧克力忌廉，同充滿甜蜜香氣嘅榛子脆米花，不同層次嘅混合更展現了醇黑生巧克力的獨特個性，質感柔滑香濃、舌尖仲留有醇苦餘韻，除可於分店選購或可選擇Click and Collect，實行網購店取，A-1 Bakery的會員更可享9折優惠。

作者：Laurie Wu（愛保健愛旅遊愛購物的熟女）

[email protected]