樂●活｜約會兒時偶像

童年總是美好的，每當做嘢或者生活遇上不快事，見到小時候追看嘅卡通、玩具總會帶嚟一啲安慰。

有魔法少女始祖之稱嘅「我係小忌廉」應該係唔少80後嘅兒時偶像，為迎接明年將踏入40周年朗豪坊與潮流玩具平台kkplus「我係小忌廉40週年前夜祭 - 香港音樂祭2022」期間限定店，為一代動漫歌姬舉行全港首個音樂祭。

1:1的小忌廉將坐在月亮華麗登場，經典場景加上多個打卡位，粉絲們一定要打卡留念。同場亦設有期間限定店，kkplus聯乘多個品牌，包括BIGBOYSTOYS、IIJAN、Grocery及Somewherenowhere等推出逾百款「我係小忌廉」會場限定紀念品，當中包括芳香蠟燭，化妝袋、毛巾、紀念餐具、毛公仔等。另外還有一系列會場限定單品及變身器造型飾物盒作獨家預售。

大會於活動期間與Brother在場內設有熱感印刷體驗工作坊，即場為粉絲們印製「我係小忌廉」小物袋，即日起至10月9日喺期間限定店作任何消費，即可免費獲贈會場限定小物袋。粉絲們亦可額外選購其他小忌廉造型的熱感貼紙，現場打印於小物袋上，感受快速即印「魔法」。另凡於限定店內使用JCB信用卡消費即享8折優惠，活動期間JCB信用卡於12樓kkplus內設有申請攤位，成功申請的顧客更可獲贈會場限定版禮物。

如果「我係小忌廉」係女士們嘅童年好友，男士們其中一個兒時Buddy，應該係超人！新世代超人帝卡最近就以帥氣嘅閃光形態去到LCX，誓要守護地球及人類和平，與哥莫拉同巴魯坦星人決一勝負！即日起至11月13日除咗可以喺LCX一睹1.8米高超人帝卡嘅英姿兼打卡之外，同場更有超人迪加、超人托利加及Q版超人等多款FIGURE，並設有期間限定店「TAMASHII NATIONS海港支援基地」，等各位超人忠粉大買特買。

現場嘅場景高度模擬尖東海旁毗鄰五支旗桿嘅巴士總站，地上3D錯視藝術裂縫增加戰鬥嘅逼真度，背後亦以精細的維港剪影作為背景，加添臨場戰鬥感。 巴士總站內還有超人展覽，展出多款珍貴的S.H.Figuarts超人吉田、超人銀河、超人Zero，重現多個經典場景，包括超人六兄弟的帥氣登場一幕、超人迪加與GUTS WING合作對戰怪獸多爾贊、超人吉田對戰怪獸積頓等，讓一眾超人Fans能以S.H.Figuarts的角度一覽超人家族，欣賞不同時期嘅超人，重溫超人與怪獸之間嘅激烈對戰。

除咗原形帥氣FIGURE外 ，LCX亦會將展出多款Q版超人，而歷年來最受歡迎之一的超人迪加更以TAMASHII NATIONS BOX的巨大化形象現身，與Figuarts mini超人托利加複合形態及超人Z原始形態等來自各個年代和不同星雲的超人一同坐陣。另外仲有Figuarts ZERO超人迪加複合形態，並設有打卡位，讓粉絲能拍下超人迪加以經典招式十字死光擊退怪獸的英姿。

 作者：Laurie Wu（愛保健愛旅遊愛購物的熟女）

 

[email protected]