樂●活｜逛中秋市集

一年容易又中秋，一連幾日假期打算去邊迎月、賞月同追月？多個室內外場地都有唔同主題嘅市集等住大家慶中秋。

‧LOCOLOCO X 中環夏誌：一連三日（9月9至11日）喺中環海濱活動空間舉辦大型文創市集，以「城市小出走」作主題，配合今年中環夏誌打造嘅「城中野」。市集將有約150個本地品牌寢具分成三個小出走主題，包括露營篇﹑賞月篇、放空篇，除結集唔同嘅手作品外，亦有可帶自家帳篷駐紥嘅山系野營、仙人掌叢林及光林打卡位、提供噴水和吹氣玩意嘅玩野樂園、霓虹招牌展覽及導賞活動「香港霓虹—未完的結局」，場內仲有一系列工作坊及活動體驗包括夜光星球、噴漆星空畫、風鈴彩繪等，而且仲可以提供喺KKday以優惠價報名參加工作坊（按此）買定飛。

‧卑路乍灣海濱長廊 ：環保團體「堅農圃」於今日至9月11日舉行「堅農中秋夜市」，現場有逾50個本地檔主將輪流登場，發售應節月餅、手作產品、寵物用品、家居用品、手作皮革用品等，附近嘅海濱長廊會增添中秋燈籠裝飾及鏡中月打卡位。

‧利東街：麥田捕手文創空間於9月11至12日 及 9月17至18日灣仔利東街舉辦「麥田捕手 x 家福會 – Autumn Charity Popup」，發售本地手作及設計品牌的初秋設計產品，同時將聯同家福會，邀請不同受助單位及社會企業，透過手作設計向大家分享正能量訊息。

‧D2 Place9月10至12日舉行充滿台灣中秋氣氛嘅「中秋慶典走一遍」市集，由台灣插畫師設計中秋慶典，結集本地設計及手作品牌之餘，亦有中秋市集限定紀念品，仲可以喺中秋願望區寫低中秋願望提升願望成真機會，猶如置身台灣嘉年華。

‧Mira Place：9月10日至9月12日及9月17日至9月18日舉行中秋市集「Mid Autumn Love Pop Up」 ，市集主題圍繞中秋及紫色，會有同自家設計品牌發售本土手作、各國特色產品、中秋主題產品等。

‧，黃大山中心：即日至9月18日黃大山中心北館1 樓會舉辦中秋市集，搜羅各款人氣月餅、特式禮盒及應節食品。多間熱門零售及餐飲商戶推出低至6折購物優惠及禮遇。於活動期間以電子貨幣消費滿200元，即可換領限定「月相」磁石貼，款式隨機派發，數量有限。

‧南豐紗廠：9月10至12日舉行「Marketoo x 動力神社 大型中秋市集」，以日系風格慶祝中秋節，將有200間本地設計及手作品牌，更邀得機動電視台在場內擺檔，鄭中基更會快閃現身擔任限定店長；場內有9大工作坊如月餅蠟燭及擴香石工作坊、法式香水工作坊、自製水彩工作坊等，可於網上報名。大家亦可參加月見節傳統的市集活動，如月見祭典、求籤神社、運送糰子遊戲。

‧如心廣場：即日至9月15日設限定夢幻秋日市集，出售應節禮品、茶葉及派對美酒等，NINA CLUB會員於場內指定位置集齊4個不同印章，及於如心廣場一期或二期以電子貨幣*即日單一有效發票消費滿$50，連同相符的正本電子貨幣顧客付款交易存根，即可獲得MILK TOP Plus $10 現金券或指定禮品。

‧黃金海岸：Market Fairish 會由今日至9月12日期間喺黃金海岸舉行月の時光中秋市集，場內會有一系列與節日相關產品、手作及獨立品牌、健康美食、手工美容護理產品等，仲有「月の時光燈謎打卡牆」、免費中秋創意工作坊。

‧香港挪亞方舟:9月10日至10月4日 (逢星期六、日及公眾假期)有「濱海•創藝市集」，可以喺醉人海景相伴下，於一眾創意本地品牌中發掘心水寶藏，亦再變身文青參加各式小清新手藝坊，如親手製作啖啖大自然風味的「有機香草薄餅」、俘虜一眾少女心的「花漾手工皂」及温馨感爆燈的「夢幻夜燈藝工房」。

作者：Laurie Wu（愛保健愛旅遊愛購物的熟女）

[email protected]