樂●活｜金睛火眼留意購物優惠

新一期消費券又到手，當然唔少得買嘢氹自己開心！要用手最少嘅錢買最多嘅嘢，當然要金睛火眼留意唔同商戶嘅優惠。

聽日（10月7日）， 7-Eleven為yuu 會員特別加推一日限定嘅「yuu折日」，於早上7時起開始yuu會員只需買滿$71就可享11%折扣 （即89折優惠），再配合今期多款精選着數優惠，讓大家以折上折價錢盡情掃走不同筍貨。至抵價登場包括7-SELECT 獨家人氣美食 — 各款雞髀及溏心蛋、卡樂B薯片系列、以及多款精選啤酒、雀巢咖啡、維他冷泡茶、還有靚太至愛的金象牌頂上茉莉香米、威露士殺菌消毒噴霧等。

百變小櫻Fans仲可以趁機會入手一系列新推出嘅百變小櫻精品連糖果組合，包括索袋、玻璃碗、玻璃罐、餐具套裝及水樽，分別印有小櫻、小狼、基路仔、雪比和小桃等圖案。順帶一提，最近七仔預購推出咗新一系列嘅精品，包括唐老鴨、三眼仔、小熊維尼嘅購物車、速開帳篷、野餐墊等，愛麗絲夢遊仙境及史迪仔1000針床品，以及InfoThink迪士尼角色燈光音樂藍牙喇叭及藍牙無線耳機等，記得把握機會入手。

鍾意下廚嘅朋友，可以留意豐澤聯乘人氣廚具品牌Neoflam熱推Sherbet陶瓷不沾系列換購優惠。即日起至12月31日期間，於全線豐澤香港分店及eShop網店以低至31折優惠價就可以換購4款實用雅觀嘅廚具（按此）。系列採用甜美蜜桃色調、韓國製造、而且無毒環保，採用優質環保物料，通過FDA食品級檢測標準，不含對人體有害物質PFOS，PFOA；耐用易潔，鍋具內外為Xtream陶瓷噴塗，不沾效果更耐久，並容易清洗；省時省電，超高導熱效率，只需小火即可達到大火烹煮的效果及熱度；而鍋蓋上有專利隱藏透氣孔，不會輕易滾瀉，更防止蒸氣燙傷，且適用於明火及電磁爐。即日起至10月31日期間，顧客凡於旺角惠豐中心、西洋菜街或好望角大廈分店購買任何電器產品，即可於惠豐中心生活時尚專區以額外95折購買任何產品。

奇華餅家就推出充滿秋冬氣氛的Camping Panda套裝，包括印有軟萌可愛的奇華熊貓圍裙、隔熱手套及隔熱棉墊，喺即日至11月30日期間於奇華全線分店購物滿港幣48元正，即可以優惠價$78換購Camping Panda套裝，而「奇華Fans」會員更有尊享優惠換購價只要加$58就可換到。套裝包括印有可愛嘅奇華熊貓在搭有帳篷嘅郊外，投入大自然懷抱嘅圍裙、隔熱手套、隔熱棉墊。

打算趁轉季為屋企轉換一下新感覺的話，歐化寶推出全新消費券優惠「消費券大激賞」，包括床褥低至48折起；精選枕頭$398/2個；購買任何梳化 / 梳化床折實滿$5,000，減$300；選購床褥，可獲「升級」贈品，包括人體工學記憶枕、Care Plus床褥保護床墊或冷暖絲柔被等。

至於寶礦力水就正舉行「寶礦力水特40周年激賞幸運祭」，幸運兒有機會獲得大阪雙人商務客艙機票，以及別注版非賣品寶礦力水特X COLLAR海報。由即日起至10月31日，凡購買正貨寶礦力水特或ion water產品滿$30或以上，即可到官方網站參加抽獎，贏取總值高達13萬港元豐富獎品，獎品包括香港航空雙人香港來回大阪商務客艙機票一套（價值$51,020，名額1個）、香港航空雙人香港來回大阪經濟客艙機票一套（價值$28,960，名額1個），香港電車紅色/綠色古典派對電車兩小時免費租用一次（價值$5,000，名額2個）。活動亦會送出粉絲必備，別注版寶礦力水特X COLLAR海報一套 （非賣品，名額40個），一套10張海報，包括COLLAR成員個人海報以及全團合體海報。繼較早前推出的「寶礦力水特40周年X COLLAR限量特典卡」後，定必再次引起粉絲爭奪熱潮。其餘獎品包括PlayStation 5、TERN LINK A7折疉車、Fujifilm instax mini 11即影即有相機及寶礦力水特滑板等。

 

作者：Laurie Wu（愛保健愛旅遊愛購物的熟女）

[email protected]