樂●活|糕餅生力軍

2022-09-22 18:00
豪華餅店結業,呢間開業咗48年九龍城地標將會成為歷史。其招牌酥皮蛋撻、花卷、菠蘿包等一系列懷舊港式包點即將成為味蕾回憶……麵包、糕點確實係唔少人早餐、下午茶嘅選擇,既方便選擇又多。

好似OK便利店不時都會推出唔同種類嘅麵包,好好JUST SOFT、Koppepan、夾心飛碟、醇吐司、Super Soft三文治等,好似最近推出咗3款唔同口味、以傳統手法焗製,入口充滿嚼勁嘅Bagel(貝果)。

首先溫馨提示OK便利店手工Bagel系列只限於有新鮮麵包供應嘅分店發售,有蔓越莓忌廉芝士、雙重芝士、及紅豆抹茶,煙韌彈牙,充滿嚼勁,餡料分量十足,無論係就咁單吃,或者另外配搭乳酪、牛油果、忌廉芝士等食材都一樣咁滋味。Bagel系列每日新鮮於香港製造,性價比高,建議先以焗爐輕烤,熱騰騰、外脆內軟嘅Bagel入口更為滋味。

除手工Bagel系列,三文治及夾心飛碟都推出咗新口味。包括重量級Sumo三文治新推出黑松露午餐肉碎蛋紫椰菜,厚切午餐肉滲出淡淡黑松露味道,三層爆餡;Super Soft超軟三文治就新推採用日本照燒雞醬、濃郁惹味嘅照燒雞生菜,以及用上日本月島芝士配美國車打芝士片,帶來雙重口感嘅雙重芝士雞卷口味。仲有期間限定田園系列夾心飛碟,包括日本半熟蛋、草莓果肉、芒果果肉、蜂蜜柚子。

波士頓派蛋糕近年喺日本及台灣掀起熱潮,其蓬鬆超軟綿蛋糕夾住少量柔滑忌廉,外表樸實,但入口蛋糕嘅綿密質感特別好味。聖安娜餅屋最近推出咗波士頓派蛋糕系列,獨家配方以超鬆軟口感及蓬鬆超軟綿蛋糕質感配搭多款口味。

除咗之前大受歡迎嘅榴槤波士頓派蛋糕,早前仲加碼推出芒果及士多啤梨口味,為讓保持最佳質素,蛋糕會新鮮製造,每日供應數量有限,所以最後就提早預訂。芒果波士頓派蛋糕配合輕盈柔滑嘅忌廉加上香甜新鮮芒果,每一口都有啖啖果肉配輕量忌廉;而士多啤梨波士頓派蛋糕 就酸甜平均、甜而不膩,喺軟綿綿嘅波士頓派蛋糕上方用新鮮士多啤梨作簡約點綴,豐富顏色嘅配搭,仲有陣陣果香。

如果係榴槤控就一定要試全港獨有嘅D24榴槤波士頓派蛋糕,內層夾滿頂級馬來西亞 D24 榴槤,啖啖榴槤肉滋味瀰漫口腔。凡於聖安娜餅屋預訂「波士頓派蛋糕系列」,聖安娜Cake Easy金會員即享85折優惠;普通會員即享9折。

 

作者:Laurie Wu(愛保健愛旅遊愛購物的熟女)

lohaslaurie@gmail.com

關鍵字

最新回應

熱門文章