樂●活｜準備好月餅過節未？

仲有唔夠1個星期就係中秋節，如果之前買咗月餅券的話，記得快啲抽時間去換！如果仲未買月餅，又或者未諗到買邊款月餅的話，可以諗下去換月餅。

今個中秋節，置富Malls聯同韓國人氣角色LYCHEE & FRIENDS特意設計多個別致搞怪的插圖配合窩心場景，推出中秋限定LYCHEE & FRIENDS「Chill Fun」月餅禮盒及「Chill Every Day」2023年座枱月曆，由即日起於置富Malls旗下12個商場（包括+WOO嘉湖、置富第一城、置富都會、馬鞍山廣場、都會駅、麗港城商場、城中薈、麗城薈、華都大道、映灣薈、銀禧薈及荃薈），任何2間不同商戶累積消費滿$600，包括$500或以上電子貨幣及機印消費單據，或到Fortune Malls App使用Point+，即可換領LYCHEE & FRIENDS「Chill Fun」月餅禮盒。

月餅禮盒內有麥芽糖醇低糖蛋黃純白蓮蓉月餅連天仁茗茶原片高山烏龍茶茶包，選用麥芽糖醇代替部分糖分，有助減少攝取添加糖，甜而不膩，搭配全人手製作的清香白蓮蓉製成嘅月餅，配上烏龍茶，將昇華美味極致，更可解膩。禮盒更特以手提收納箱設計，可用作收納之用。另外更有座枱月曆，色彩繽紛嘅LYCHEE & FRIENDS插畫伴住大家迎接新一年嘅挑戰。

順帶一提，既然同LYCHEE & FRIENDS聯承，當然唔少得一系列打卡布置。即日起至10月23日多個置富Malls商場會有以Chill開心夏令營為主題的打卡裝置，包括馬鞍山廣場Chill消暑快樂營地 ，會有LYCHEE化身成4米高嘅熱氣球、+WOO嘉湖就有Chill繽紛荔枝熊樹屋、置富都會Chill清涼汽車營地，以及置富第一城嘅Chill亮閃星營等，每個都別具特色。 

今年中秋，世界之約 In Time Of - 南豐集團就聯乘本地人氣IG店 Le Pâtisserie Factory 推出迷你月餅環保盒裝，有雙黃奶皇、流心奶皇、麻糬奶皇、麻糬抹茶、流心抹茶及流心朱古力等6款口味，絕無添加。為支持節日減廢更特別設計了簡約環保盒裝，不含金屬亦無塑膠，既可重用亦可回收，是送禮自用的最佳環保選擇。「世界之約月餅」兩件裝及四件裝於9月2日、9月5至9日在上環Nan Fung Place一樓發售，推廣期間，每個售價港幣$30至$32，自備食物盒購買月餅每個更可即時減$2。 

另外，最近換上「新裝」嘅沙田好運中心，由今日（9月2日）至9月12日期間，將聯同由10間本地特色小店舉行「秋之開運市集」，提供各款精緻的應節美酒佳餚及精品，包括粉絲必搶嘅巨龍月餅、專為毛孩而製嘅Dolly’s Bakery寵物月餅、香甜可口嘅鑽心和菓子月餅、Soul Lab手工曲奇、香港製造嘅Bel- Zims Chocolatier朱古力麥脆片、六健通天然健康飲料、鑫蜜兒醇酒、堅持人手製作的Kassoul手工產品、十八子手信店的特色食品及養生幸福坊的花茶香茗。此外，9月16日至9月22日期間於場內消費滿$200更可參加「好運來 消費即中獎」遊戲，贏取幸運福袋或超市禮券，購物同時賺取獎賞。

「基督教懷智服務處」邀請了懷智殘疾學員發揮創意及藝天份，為「恆香‧中環街市 燈影之城 The City of Moon」獨家限定月餅畫上精美繪圖，設計包裝。其中「恆香‧懷智愛心月餅」包裝盒面以明月高掛、天朗氣清下嘅恆香百年老店及月餅為主角，盒內印有「恆香禮餅」印章，盒邊則有以「恆香禮餅」印章為設計主題的中秋燈籠。每盒恆香x懷智‧愛心月餅禮盒（2件裝包裝禮盒）慈善價$78 (原價HK$98)，恆香將撥出50%收益予基督教懷智服務處，以培養殘疾人士的藝術發展，啟發他們的潛能，讓他們融入社會。另外，於中環街市即日累積消費滿$1,000，更可獲得同樣由懷智殘疾學員設計包裝盒、恆香老餅家與中環街市製作的「中環街市X恆香X懷智 特別版月餅禮盒」。

 

黃大仙中心就首度與Paul Lafayet推出「中秋尊貴月餅禮盒」，精選3款創新口味，包括伯爵茶奶黃、麥蘆卡蜂蜜奶黃及流心咖啡奶黃，每一口都散發出濃濃法式浪漫。除味道獨特創新，月餅禮盒嘅設計亦別出心裁，只要輕輕轉動繁星中嘅璀璨月亮，即呈現不同的月相形態。即日至9月11日於黃大仙中心連續7日內以電子貨幣累積消費滿$6,000即有機會換領，換完即止。

作者：Laurie Wu（愛保健愛旅遊愛購物的熟女）
[email protected]