樂●活｜追月賞月好地方（九龍篇）

噚日介紹咗一啲位於港島區嘅中秋打卡、追月賞月好去處（按此），原來九龍區都有唔少選擇。

●T.O.P：延續之前T.O.P x Mr n Mrs Moon．Chill爆豪華團嘅氣勢，夠晒應節嘅Mr n Mrs Moon喺中秋節會繼續陪住大家，仲會由線上玩到線下。除咗可以參加Instagram 勁舞臀大格鬥，與Mr n Mrs Moon 勁鬥「臀」舞，贏取過限量版精品。當然唔少得去T.O.P 5樓空中花園嘅Mrs Moon 閃亮燈海打卡，現場高掛過百個Mrs Moon燈籠，大家仲可以搵啱位、試啱角度賞月兼打卡，而Mrs Moon仲會化身月兔造型超萌亮相。入夜後，四周閃亮繽紛嘅燈飾隨即亮起，恍如到訪燈火會般。場內仲有5大「Chill搞笑」打卡熱點、Snapio x Mr n Mrs Moon中秋主題即影即有相框及2大限量中秋必備「Chill爆豪華伴手禮」及「笑裡藏燈紙燈籠」等。

●MOKO新世紀廣場：由9月9日起，MOKO GARDEN @ L3會成為集打卡裝置、戶外燈飾及小農圃於一身嘅區域。步進MOKO GARDEN @ L3戶外休憩空間，會率先見到約7米長的「森之步道」，由3座不同高度的嫩綠拱門組成，享受被森森綠意環抱的感覺；再向前走，會見到由大波斯菊為主題嘅「幸福花休憩區」，陽光穿透七彩透明物料將大波斯菊圖案折射於地上，而入夜後整個區域燦爛醉人嘅燈飾燃亮起來；離開前緊記在以紫羅蘭及鳶尾花組合而成嘅「仙氣綻放打卡牆」拍照。

於9月10至11日期間，MOKO GARDEN 將會舉行「幻彩燈籠工作坊」及「猜燈謎小遊戲體驗區」，大家可親手製作燈籠，不同造型的發光燈籠不論是用於打卡還是裝飾，同樣吸晴。中秋節當然少不了猜燈謎遊戲，可以趁佳節一起挑戰你問我答小遊戲，挑戰有趣盞鬼嘅燈謎。

●apm：打造了apm光映∙圓月遊裝置，以「滿月．月兔相聚」為創作靈感，策劃多個打卡、消閑景點，包括「10呎巨型月亮」藝術裝置、「繽FUN月兔陣」及「品味咖啡市集」。商場中庭懸掛直徑10呎的巨型發光月亮裝置，無論天氣陰晴，都能夠隨時近距離賞月，在圓月下許願，更是網紅級selfie打卡必影地。中庭位置更有由逾11呎高嘅巨型月兔裝置，帶領多隻色彩繽紛嘅小兔兵團聚集於六角星空舞台上。巨型月兔身披彩繪圖案，以抬頭望月的姿態，與巨型月亮組成趣味滿溢嘅迎月場景。舞台上嘅小兔兵團更會擺出不同的萌態與顧客互動，畫面超夢幻可愛，賞月賞兔兩團圓，非常ig-able。另外，由9月5日至14日，apm特設「品味咖啡市集」，為都市人營造隨時駐足享受品味咖啡的優閒。

想喺戶外賞月，又不想人迫人兼要提早霸位? apm Garden與Klook合作，推出首個「apm戶外綵燈賞月夜」體驗，大家可以低至3折優惠價$100率先預訂體驗票，在月圓秋夕到apm戶外花園迎星賞月，星空下與家人摯愛玩燈籠、嚐COVA月餅，盡享佳節相聚時光，另有機會欣賞戶外電影，及獲贈別緻野餐墊、松本清$100現金券。花園內將綴滿發光月兔及華麗燈飾，充滿濃濃節日氣氛，加上可玩盡園內發光的遊樂設施，如LED光影舞動搖搖板及15呎燈泡巨人雕塑等，最適合應節打卡「呃Like」。

●黃大仙中心：與本地招牌保育平台「街招」聯合推出「霓彩映月」主題活動，以拯救及修復而來嘅霓虹燈招牌，設計出一個直徑兩米、全港首個3D霓虹燈月亮裝置。活動更邀得香港僅存嘅霓虹燈工藝師傅之一胡智楷師傅，聯同新晉霓虹燈藝術家劉浩輝攜手修復及重新製作部分霓虹光管，別具文化傳承嘅象徵意義。大家可由即日起至9月18日到黃大仙中心北館「賞月」，賞滿月從此不受天氣、時間和地域限制。3D霓虹燈月亮設計巧妙地加入了不同視覺元素，呈現出滿月、盈凸月、上弦月，以及娥眉月的月相美態，憑藉陰晴圓缺的自然循環，寄寓本地工藝得以代代傳承、生生不息。

除咗立體藝術裝置外，商場2樓還設立另類打卡區，展出Jive主力設計及製作嘅新作品，以黃大仙中心的標誌為設計核心，結合傳統工藝及新派視覺元素，讓圖像無限延伸，展現出霓虹燈充滿現代玩味嘅一面。

●D2 Place：邀請咗香港掂檔十大匠人嘅入圍單位由9月5至9日舉辦工作坊，透過原創手作Take You To The Moon，一眾匠人會教授大家製作原創手作，各款手作品都融入咗中秋節元素，當中包括月滿中秋花藝工作坊（Oneoverthreeco）、拼色匙扣皮革體驗班（小皮気 relzplay）、果膠紋身工作坊 - 體驗班（Jagua Tatto

）、製香速成體驗工作坊（42 Candle）、黃銅月球 · 匙扣工作坊（Adventuris Studio 金工日常），及垂耳兔鏡盒工作坊（Reddish Pimple）。（報名按此）

●又一城：即日至9月12日嘅周末及公眾假期就會帶嚟多場爵士樂演唱、經典名曲三重奏、豎琴及舞蹈表演，讓大家可以喺愜意愉悅嘅藝術氛圍共渡中秋佳節。演出包括由專業演奏級爵士樂手及歌手現場演繹優美樂曲嘅「圓美樂韻薈演」；「中秋作樂」慶團圓就係三重奏表演，樂手以二胡、古箏及色士風，現場合奏多首名曲經典，演奏樂手包括胡琴演奏家李家謙、屢獲古箏比賽獎項嘅鍾朝而，以及參與多隊知名爵士樂大樂隊演奏嘅色士風樂手黃嘉豪。另外，香港豎琴合奏團 會帶嚟「豎琴追月」，展現多元化嘅豎琴音樂及超穎己琴藝。至於Twinkle Dance嘅「玄月之舞」，就會由一班小朋友展現優雅嘅芭蕾舞步以及節奏強勁嘅K-pop，帶來充滿動感嘅佳節。

作者：Laurie Wu（愛保健愛旅遊愛購物的熟女）
[email protected]