樂●活｜美味回憶

每次約親一啲去完外地出差，又或者即將離港嘅朋友食飯，中菜都一定係首選，可以話係一種對味道嘅懷念同回憶。

以新鮮、優質嘅食材，搭配唔同嘅烹調法，引出食材原本的鮮美度，對其味道、賣相嘅考究和要求，將美味嘅層次升級。美心皇宮除咗除了傳統粵菜、招牌菜外，亦有一系列以「家 。 味道」為主題、全新推出嘅主廚推介Menu。

其中包括原隻6頭香芒虎蝦球，用上原隻6頭馬來西亞野生海虎蝦，肉質爽口彈牙，鮮味十足，再調製招牌新鮮秘製芒果醬，酸酸甜甜加上果肉，咀嚼後芒果香留仍喺嘴裡延續，係道開胃菜嘅不二之選。特別之處係主廚更特意用了椒鹽嘅做法來處理海虎蝦蝦頭，將滿滿嘅蝦膏鎖住，吃起來鹹香可口。

酸菜魚可以話係近年嘅大熱，美心皇宮大廚將酸菜魚重新演繹成山藥秋葵黃金東星斑，令酸辣度更較適合港人口味。大廚將新鮮攪拌好嘅南瓜蓉加入熱騰騰嘅酸辣湯，金黃色味道濃郁嘅湯底，帶出辛香、鮮味與清甜等不同層次，再以肉質鮮嫩嘅東星斑入饌，酸辣中帶點海魚嘅鮮甜，亦加入有鮮淮山、秋葵、有機豆腐等配菜，健康又富營養。

煲仔菜可以話係粵菜嘅其中一大個經典，一道辣鮑魚雞煲就用上新鮮鮑魚加上本地新鮮三黃雞，以滑嫩嘅雞肉和口感彈牙嘅鮑魚達到雙重口感，再搭配辣椒，香辣滑嫩，再加上以原煲上桌，達到保溫效果，令鮑魚香味在打開煲蓋時散發出來，特別吸引。

粵菜出名工序繁多，喺屋企烹調既繁複又費時，好似杏汁海螺燉白肺就係其一。大廚以南北杏打成杏汁，再以美國海螺與豬肺以慢火燉足4小時，滋陰潤肺。香酥荔茸鴨亦係唔少熱捧嘅粵菜，其第一層外皮嘅酥脆，第二層芋泥嘅綿密，第三層鴨肉嘅嫩滑，第四層炸過嘅鴨皮香，可以一次過品嘗到四種不同口感及味道層次。

將粵菜精髓亦可以摩登新鮮己形象延續，例如粵式西米焗布丁於粵式酒樓已非常少見，美心皇宮大廚就保留此經典甜品，以一盤焗起嘅方式展現於食客，每一口口感香滑且不過於甜膩，層次豐富，創造貼心且滋味無窮嘅美味回憶。

另一粵菜食府八月花，除着重食材嘅品質和味道，亦注入現代料理元素，炮製精緻細膩及創意兼備嘅美饌佳餚。全新主廚推介包括堂弄過橋酸辣星斑，呢道酸辣星斑更會由店員即場以明火堂弄，不但能夠保存魚肉鮮味，同時又可避免腥味，提升整個口感。主廚特意選用約2斤重嘅星斑起片，去除魚骨，肉質嫩滑可口，再配合蟲草花、酸菜、鮮枝竹等等，加上酸辣口味，令人食指大動，溫馨提示堂弄過橋酸辣星斑需要提早一日預訂。 

另一道鐵板蔥香脆皮海參，有別於以往傳統海味做法，這道脆皮海參先用排骨及火腿將海參扣至充滿鹹香，以高溫烹調將海參炸得金黃香脆，香酥且不油膩，配合已切粒嘅香蔥，香味撲鼻，一口盡嚐多種口感，以選用鐵板作為器皿，脆皮海參表層微烤焦脆而肉質結實多汁。椒麻醬爆雞甫特意選用已去骨嘅雞髀肉，肉質嫩滑多汁，使用自家調配之麻辣醬作為調味，將雞髀肉煎香，並加上八角豆蔻，另有法國麵包絲放於雞肉上，鬆脆口感配上香辣惹味雞髀肉，可謂「白飯小偷」，嚐辣必試！

至於松子竹笙魚米，就先將新鮮海魚起肉炒粒，再加上蟹肉以及炸到金黃嘅松子，味道層次豐富但又不失口感，清甜消暑，旁邊附有蝦片，一道菜式有多種食法，蝦片配合魚米，口感鬆脆。原來豆腐窩就用上鹽鹵有機豆腐，加上以自家製豆漿作為湯底，豆味濃郁香甜，再配以大豆芽及鮮枝竹，以石窩形式上菜，使豆腐能夠保持溫度，保留菜式原有質感，柔嫩綿密嘅豆腐吸附滿滿嘅豆漿，加上大豆芽嘅爽脆口感，湯底濃厚而不膩。

店內仲有一系列特飲，除了傳統茗茶外，特意新增西式茶及冷泡茶，如蕎麥薑茶和紅桑子烏龍茶，配搭新穎，用作盛載特飲嘅器皿都有配合飲品特色，大多都以透明杯盛載，不但適合「打卡」，同時又能看到飲品的漸層及配料。另外，亦有雞尾酒例如妃子笑或是紅酒和白酒，可邊品嚐新派粵菜，邊與好友暢飲共享微醺時光。

 

作者：Laurie Wu（愛保健愛旅遊愛購物的熟女）

[email protected]