樂●活|客制化豬腳薑分享喜悅

2022-08-25 17:30

近年,用上個人化包裝嘅產品,由個人用可以刻上指定句子或圖案嘅皮具、電子產品,以至婚禮上嘅回禮禮物、喺職場上收到嘅「散水餅/茶」,最近發現咗連豬腳薑都可以客制化,方便新手爸媽可以同親友分享喜悅。

家庭事業兩忙,注重身體健康嘅港媽,懷孕嘅時候都一定會事先為自己預備產後補身佳品豬腳薑,好多時更會係由將榮升婆婆或者嫲嫲等長輩幫手準備,充滿愛心之餘亦係專屬「家」嘅味道。傳統豬腳薑既有益補身亦對剛添小生命嘅家庭有特別意義,好多現代媽媽亦會傳承「派薑醋」呢個傳統,讓喜事加上多一重珍貴回憶,亦都可以同親朋好友分享喜悅。

TeamStork 送子鳥團隊最近與有70年歷史嘅本地醬料雜貨品牌「正和隆」合作,推出傳統補身佳品「家家有喜.豬腳薑」禮品薑醋,有專屬個人化包裝,並加入懷舊富玩味嘅「萬壽無疆」圖案設計,將專屬你家的祝福,送到親友手上。

除咗包裝吸引,內在嘅豬腳薑亦都非常重要。「正和隆」採用新鮮豬腳、雞蛋、本地薑及自家「正和隆」甜醋精心製作,香甜又有滿滿嘅獨特香料滋味,新鮮豬腳入味而口感軟熟,加上本地薑辛而不辣,配上軟硬剛好雞蛋,一試難忘。有別於大型製作,「正和隆」豬腳薑收到訂單後新鮮即製,用最短時間送到媽媽手上,確保夠新鮮。每樽禮品薑醋1至2人份量豬腳薑有2件新鮮豬腳、本地薑及2隻雞蛋。「家家有喜.豬腳薑」連專屬個人化包裝最少只需要訂購10樽,就可以直送到府上,啱晒忙碌嘅新巴買。

順帶一提,TeamStork 「媽媽私人助理」App專為產前產後媽媽而設,不但有18個月專屬日程,幫助媽媽輕鬆度過孕期及坐月,更有精選eBoutique嘅優質產品及會員優惠,貼心又實用。

作者:Laurie Wu(愛保健愛旅遊愛購物的熟女)
[email protected]

關鍵字

最新回應

You are currently at: std.stheadline.com
Skip This Ads
close ad
close ad