樂●活｜新裝舊情懷

鍾意行街嘅朋友，唔知有無同感，除咗一啲焦點大商場之外，好多時去一啲較小型嘅地區商場亦都必有一番滋味。

好似沙田好運中心係其中一個區內居民必到嘅商場，作為「外區人」嘅Laurie因有朋友住喺附近，所以每隔一段時間都會行經。自去年起因為華懋集團自斥資5億翻新，所以部分地方圍起板進行翻新，據知整個工程要去到2024年上旬先至完成，而首階段就喺今個月率先登場，當中有近3萬平方呎可供租用，當中包括引入沙田區內首家大型新鮮超市，稍後更會陸續有唔同生活品味店鋪進駐，同埋會引入同區罕有同層集中約30多間特色食肆商圈。據知，商場會網羅城中特色本土小店，亦會有都會品牌、大型超市、環球餐飲食肆等。

除咗裝修之外，好運中心仲換上咗新商標，以Lucky Plaza嘅「L」字母，嵌入代表沙田嘅「田」字，體現好運中心已經陪伴沙田居民40年，甚至係陪着居民嘅第二代、第三代，紮根於社區之中嘅獨特情懷。

全新好運中心以Bags Of Luck@Your Lucky Place為主題，以Lucky Plaza中嘅「Lucky」結合五大元素，冀能成為名副其實為顧客帶來「Best Of Luck」嘅商場，讓每位來賓可以滿載一袋又一袋的幸運而歸。當中L （Local Inspiration，生活靈感）代表搜羅一眾本地品牌及本土特色小店，將香港故事引進社區；U（Unique Adventure，獨特體驗）表達了連串購物優惠，讓居民成為「好運代言人」；C（Culinary Experience，美食之旅 ）象徵場內有多元化餐飲食肆，雲集環球美食選擇；K（Kuriosity，驚喜不斷）顯示連綿不絕的商場活動，與街坊共慶佳節；Y（Your Lucky Place，好運所在 ）代表吃喝玩樂新熱點，讓居民滿載好運而歸。「好運福袋」會喺於優惠活動期間送出，Tote Bag內會放有滋味小食、湯包等，好讓顧客帶返家中與家人共享，期望透過「Bags Of Luck」，令顧客能夠代代傳承這份「Best Of Luck」。

講開情懷，當然唔少得充滿香港味嘅零食！惠康超市、Market Place、3hreesixty最近獨家推出咗兩大經典本地零食品牌嘅全新產品。其中包括來自逾60年老字號「華園食品」首創嘅酸菜魚味焗鱈魚柳和豆豉鯪魚味焗鱈魚柳，實行將把經典嘅豆豉鯪魚和酸菜魚化身為惹味鱈魚柳，啖啖厚肉嘅魚柳條無論係返工小食、在家煲劇，定係佐酒都啱。另一款就係珍珍薯片全新推出嘅炭燒羊架味薯片，每片薄脆嘅薯片充滿炭烤獨特風味，香口惹味。即日至9月22日，3款全新零食仲有期間限定優惠呀！

作者：Laurie Wu（愛保健愛旅遊愛購物的熟女）

[email protected]