樂●活｜秋日美味

中秋已過，但天氣依然熱辣辣。鍾意捐窿捐罅搵食嘅朋友又係時候出動去唔同嘅食肆，試下新推嘅秋季Menu。 

冰搖特濃咖啡，一杯以特濃咖啡、植物奶及冰塊搭配黑糖或朱古力醬搖製而成嘅咖啡，喺美國大受歡迎，最近就進駐咗香港星巴克，仲連同一系列以秋日大熱嘅栗子為主題嘅音頻、甜品及輕食，為秋天揭開序幕。

4款以燕麥奶炮製嘅全新咖啡飲品為初秋帶來新滋味，經手工搖製或沖調而成，味道香濃，並帶有絲絲甜意及麥芽風味，從色調、質感及味道上都有着濃濃秋意。其中，黑糖燕麥奶冰搖特濃咖啡係星巴克首次於香港推出冰搖特濃咖啡。特意選用口感順滑宜人，風味柔和嘅黃金烘焙咖啡襯托黑糖糖漿，再注入燕麥奶，芳醇平衡嘅黃金烘焙咖啡更能帶出黑糖嘅甜香，營造香濃甘甜嘅多重層次，再配合帶木調香氣嘅肉桂粉，與冰塊搖勻，令人回味無窮。同系列仲有朱古力麥芽燕麥奶冰搖特濃咖啡​，呢杯朱古力二重奏特別以風味較強烈嘅特濃烘焙咖啡，結合朱古力麥芽粉和濃稠馥郁嘅朱古力醬，加入清香嘅燕麥奶及冰塊搖勻，締造富層次嘅味覺享受。

栗子為秋季不可少嘅經典食，新推出嘅秋栗燕麥奶咖啡​就糅合蒸煮燕麥奶、特濃咖啡和濃甜栗子醬，燕麥奶嘅清香和栗子嘅烘烤風味完美平衡，喜愛冰涼口感的話亦可改選咖啡／忌廉星冰樂基底的秋栗燕麥奶星冰樂。另外，仲有4款秋栗主題嘅美味輕食及甜點，以突出栗子嘅清甜和綿軟口感，包括：栗子芝士蛋糕、栗子鬆餅、栗子芭菲及栗子牛角包。

另外，星巴克亦新推出3款鹹點，結合蔬菜、植物肉或雞肉，帶來營養均衡嘅輕食，包括Omni新炸魚柳粟米包三明治​、烤雞肉牛蒡粟米包三明治及Impossible希臘式豬肉酥。

另外，每年秋天，星巴克都會推出以品牌美人魚為主題的商品系列，慶祝星巴克周年紀念，今年嘅Siren Coral Treasure系列就以海域神話中的魔幻世界為背景，包括了不鏽鋼咖啡杯、隨行杯、珠光玻璃杯及星巴克熊等十款商品，整套系列採用淡藍色、柔粉色和湖水藍為主調，帶大家遊走奇幻海洋。系列更包括兩款菱格刻紋的凍杯，及夢幻藍白漸層的不鏽鋼隨行杯，於香港星巴克網上商店獨家發售。星巴克同步推出22周年紀念系列，以咖啡樹及美人魚鱗點綴兩款玻璃杯及不鏽鋼隨行杯。

鍾情韓式美食的話，就要留意Shake Shack將於9月19起至11月中推出嘅限定菜式，包括 Gochujang Chicken Sandwich、Bites 及 Fries。味道豐富嘅Gochujang（韓式甜辣醬）係韓國料理中傳統的調味醬料， 以紅辣椒、糯米、發酵大豆和鹽製成，發酵後變成濃稠的紅色醬料，辣中有甜，甜中有鮮，常用於烹調各樣燜煮菜式、醃料及煮汁等。Shake Shack 團隊更加入了大蒜和生薑碎，使醬料味道更加圓滿有個性。

其中Gochujang Chicken Sandwich以韓式甜辣醬包裹鮮脆多汁嘅炸雞腿肉，面層灑焙煎香濃黑白芝麻，下層鋪有惹味泡菜椰菜絲，一併夾於鬆軟嘅招牌 potato bun 之中，口感豐富。限定小食 Gochujang Chicken Bites就是經典炸雞粒淋上韓式甜辣醬，綴以黑白芝麻及青葱碎，每一啖盡是滿足滋味，而Gochujang Fries就係招牌波浪薯條配韓式甜辣蛋黃醬及全天然蘋果木煙燻煙肉，惹味無比。飲酒嘅朋友們仲可以配埋人氣手工啤酒ShackMeister Ale，實行炸雞配啤酒，品嚐韓式炸雞嘅至歎食法。

今個秋天，譚仔雲南米線就聯乘鴻福堂炮製「解辣山楂酸棗茶」，又名「譚仔X鴻福堂解辣茶」，主要成分係山楂及酸棗兩款味酸嘅草本食材，不但酸甜醒胃，同時有清熱利咽嘅功效，有助舒緩吃辣後嘅刺激感，仲可以幫助大家升級挑戰更高辣度。譚仔X鴻福堂「解辣山楂酸棗茶」由即日起可以喺全線譚仔雲南米線分店及鴻福堂門市並將陸續於鴻福堂網店「自家ON!」、7-11便利店發售，百佳超級市場10月有售。

另凡惠顧任何米線、寬麵（淨米線除外）或風味小吃，即可以推廣價$9換購解辣山楂酸棗茶；於9月13日至10月5日期間，凡惠顧一餸或以上之米線或寬麵配上大辣、特辣、雙特辣、特特多麻等辣度，更可於結帳時以加配價$6換購。9月13日起顧客可以優惠價$8/支或$14/2支購買，至於鴻福堂網上購物平台「自家ON!」就推出限量優惠，會員可以$10/3支I（限量20支）或$21/3支入手。

作者：Laurie Wu（愛保健愛旅遊愛購物的熟女）

[email protected]