樂●活｜識飲識食愛地球

趁今日（6月5日）係世界環境日，不如就試吓喺生活上多行一步喺生活上多注重環境，過綠色生活！

Impossible Foods今年首次喺6月期間舉行「世界環境月」活動，全港超過50個餐飲品牌旗下約200間餐廳齊齊參與世界環境月，推出多款Impossible植物肉限定菜式，鼓勵大家選擇植物肉菜式代替傳統牛肉及豬肉。平時大魚大肉咁耐，係時候愛護地球，邊食邊環保！

同大家分享一個關於植物肉嘅小知識，原來與美國生產嘅動物牛肉相比，Impossible植物牛肉嘅製作過程能減少96%土地使用量、87%用水量和89%溫室氣體排放量，使用嘅環境資源遠少於動物肉，簡單識揀食材就可為環保出一分力。

今年參與世界環境月嘅餐廳約200間，包括 Beans、The Coffee Academics、Years 素年及旗下三間分店，亦有多間全新餐廳夥伴將 Impossible 植物肉加入菜單，如亞金南洋茶室、金公館、幸福駅和 Knockbox Coffee等。餐廳廚師巧妙運用 Impossible 植物肉嘅可塑性，烹煮出碎肉以外嘅百變菜式，由西式漢堡包到中式點心、餃子，再到港式叉燒及焗飯等。不少餐廳夥伴更推出一系列新菜式，包括老夫子餐館嘅鮮茄焗植物肉漢堡扒飯和 BreadTalk 嘅南洋咖哩包等，讓大家可嘗試以不同烹調形式嘅 Impossible 植物肉，例如亞金南洋茶室嘅金不換香辣植物肉碎飯、牛角石鍋辛奇植物肉飯及 Ruby Tuesday 嘅 Tropical ImpossibleBurger 等。

同時亦可於指定百佳超級市場購買 Impossible品牌主打嘅植物牛肉或 Fresh To Go 以 Impossible植物豬及牛肉製作嘅自煮包，如紹菜豬肉餃子、梅菜蒸豬肉餅及肉末 XO 醬，加一加熱即可享用。

另外，Impossible Foods在活動期間，凡於指定餐廳或超市選擇Impossible 菜式或產品，即會聯同第二年合作嘅非營利組織 One Tree Planted 代替食客植樹，帶出每個人都可以「植」着選擇植物肉，從而為珍貴嘅大自然帶來正向改變。

此外，譚仔雲南米線（譚仔）和譚仔三哥米線（三哥）將首度攜手合作由即日起推出全新「So Green 素 tasty!」企劃，推出以OmniFoods新豬肉及Impossible植物豬肉創造嘅全新素食系列。

其中譚仔雲南米線就有蟲草花素湯Omni新豬肉芹菜餃子配青通菜菜底，濃郁嘅蟲草花湯底不但清甜滋補，啖啖蟲草花香氣四溢，配搭以Omni新豬肉和清甜芹菜製成嘅餃子，養身又健康，除了青通菜菜底外，更可選擇生菜、韭菜或芽菜菜底，甚至可轉配米線底。另外，仲有以Impossible植物豬肉混合香甜醬汁嘅素食版炸醬，口感和味道與原版炸醬無異。

至於譚仔三哥米線就有菇菌湯姬松茸Omni新豬肉韭菜餃子配京白菜菜底，以鮮嫩爽脆嘅韭菜素豬肉餃子配搭由滋補嘅姬松茸和以姬松茸浸泡而成嘅菇菌濃湯，可自選京白菜、芽菜、生菜或韭菜其中一款，或是米線，而菇菌湯更可自選辣度，由10小辣至特辣，甚至可隨個人口味或心情轉配其他湯底，包括素湯底（素湯底只限搭配素食材）。而自選米線亦可選配Omni新豬肉韭菜餃子這款新食材。譚仔三哥亦有以Impossible植物豬肉乍醬，以Impossible植物豬肉混合秘製醬汁，口感與味道皆能媲美三哥乍醬。創新嘅素食小食就有Impossible植物豬肉乍醬香醋粉皮，以Impossible植物豬肉乍醬、寬粉和三哥特製嘅紅油及酸度有致嘅香醋配製以成，微辣酸香夠晒開胃。

兩個品牌均推出全新嘅「三花清潤綠茶」限定特飲 - 以清香嘅綠茶作基底，並加入了金銀花、胎菊和甘草粉，口感清潤，最適合解渴消暑。

譚仔雲南米線和譚仔三哥米線亦為一眾生酮飲食及追求綠色飲食嘅食客帶來好消息，即日起惠顧任何米線，加$3就可轉配菜底。於優惠期內在譚仔雲南米線和譚仔三哥米線以WeChat Pay HK付款即可享專屬優惠，新用戶成功登記即可獲$50迎新獎賞，而每集齊3個印花更可兌換$5專屬電子現金券。

美心西餅近日亦再度與OmniFoods合作，以OMNI新肉絲並配以自家手工麵包及精選配料將健康與美味結合呈現，包括南瓜芝士新肉絲多穀包及黑椒蘑菇新肉絲多穀包。OMNI新肉絲含獨有純素蛋白質配方，以大豆蛋白作為主要成分，低飽和脂肪、無膽固醇，更含豐富膳食纖維、鉀質，鈣質和鐵質，聯乘系列一個配搭營養價值高、抗氧化、熱量低的南瓜多穀包加馬蘇里拉芝士碎及洋蔥粒；另一個則以黑椒碎、蘑菇片、沙律醬、馬蘇里拉芝士碎及洋蔥粒佐味，香口中帶點辣調，惹味十足。

 

作者：Laurie Wu（愛保健愛旅遊愛購物的熟女）
[email protected]