樂●活｜港人參與設計 以LEGO重現星夜

無論係咪LEGO嘅Fans，相信對近年打字機、地球儀等都一定有印象，佢哋都係屬於LEGO Idea系列。LEGO Idea係一個收集全球粉絲創造力嘅平台，畀LEGO愛好者可以上傳自己嘅作品，並由其他Fans投票，如果喺特定期間獲得超過1萬票，就會由樂高評鑑小組審核，並有可能成為樂高商店販售嘅產品，嚟緊6月1日開賣嘅LEGO 21333 The Starry Night就係由一名香港Fans設計。

LEGO 21333 The Starry Night 係由25歲嘅香港LEGO 迷、梵高崇拜者Truman Cheng設計，是香港首位通過LEGO Ideas上獲得超過1萬票支持其作品。Truman 希望藉着梵高最著名嘅作品之一，與LEGO迷及藝術愛好者分享由2D傑出畫作變成3D的The Starry Night。

今次嘅作品係LEGO和紐約現代藝術博物館(MoMA)以名畫作The Starry Night 作為合作嘅第一步，將這被譽為梵高其中一幅最有代表性的畫作，以2,316塊顆粒重新演繹，向後印象派畫家梵高致敬。

色調忠於原畫作呈藍綠色，並以顆粒捕捉標誌性的急速流動筆觸及用色，拼砌出這幅1,889年誕生的名畫作。彎曲連結的長綫條及粗短有力的短綫將窗外村莊的景象勾勒出來，完美復刻繁星點點嘅星夜、令人着迷嘅皎月、柏樹、南法小鎮恬靜村落，漩渦似嘅星空彷彿在流動一般，熠熠生輝璀璨無比。

不僅如此，喺星夜嘅旁邊，仲有連出來嘅畫架，上面擺着迷你版星夜，梵高LEGO迷你人偶雙手拿畫筆和調色盤，彷彿展現出任何人都可以成為星夜嘅主角，喺不同角度欣賞專屬於自己嘅星夜畫作。

作者：Laurie Wu（愛保健愛旅遊愛購物的熟女）

 

[email protected]