樂●活｜一起逛市集

市集唔似一般店面可以隨時光臨，而且集結每個攤位嘅特特性，總有一種懾人嘅魔力。

市集其中一個吸引力在於其多元和充滿驚喜，大角嘴利奧坊就一連兩個周末（5月28－29日及6月3－5日）舉行傳統 x 新造立夏市集，把傳統文化結合於現代生活之中以推廣可持續發展的概念。全場約有40檔精選本地品牌特色攤位，當中包括不少本土傳統工藝配以環保元素嘅新造潮物，以求糅合傳統 x 新造理念的人氣本地攤檔品牌。

近年流行復古，利奧坊搜羅傳統新造產品，顧名思義是將舊有事物以嶄新方式呈現。各家店主為多款傳統物品帶來革新改造，透過重新包裝、嶄新做法或是現代技術，重新演繹舊日滋味和情懷，延續昔日本土文化，為大家帶來全新衝擊，當中包括雕刻小巴牌與麻雀加入新潮元素造出新穎精品、傳統紙藝製作出富有香港風味的地方微縮紙模、茶餐廳食品變革為至潮飾物、以傳統手工壓花製成玻璃小夜燈及讓港人有集體回憶的交通工具設計出特色明信片和家居小物。除了有「傳統 x 新造」手作品牌，亦有環保特色手作攤位，檔主將咖啡膠囊升級再造製成飾物及環保盆景。現場更會設有星級手作達人葉蘊儀環保手工工作坊的製成品展覽，以及鮮艷西瓜造型打卡熱點。

樽裝水品牌Bonaqua最近就推出咗全球首個可作獨立銷售的無招紙樽裝礦物質水，透過採用顛覆傳統嘅產品包裝設計減少產品包裝及提升樽身回收價值。為慶祝新產品正式上架，Bonaqua更首次舉辦環保市集，喺即日至5月30日喺中環街市一樓Steam Hub舉辦，活動會場內設有大型打卡位及各種產品展覽，推廣品牌 Water For Tomorrow與鼓勵可持續發展理念，以實際行動向港人推廣綠色生活。大家仲可以可到場參加各種與本地藝術家合作嘅工作坊，以環保物料製作生活用品，推動可持續發展生活模式，發掘環保物料於手工藝品、藝術和時尚中的潛在價值。

至於大館就會喺即日至5月29日舉行「花見大館」，展示多款圍繞花卉主題的美饌及生活體驗，更與10多個本地品牌打造大型戶外花藝市集，包括售賣手作植物花盆和盆景嘅本地品牌在森林和圓嘢、提供獨一無二、現代歐陸花藝設計嘅Kofeflowers，植物創作工作室「root」等。場內更提供8款美饌及生活體驗，包括鹿角蕨掛牆盆栽工作坊、Phoenix Sweets的花樣主題手作甜點、樂茶軒的冷泡花茶工作坊等，大家可以多感官體驗花之美。

堅尼地城卑路乍灣海濱長廊就有堅農夜市，夜市由下晝4時去到晚上10時舉行，場內超過10個品牌參與擺檔，主打售賣手作、皮革、寵物用品，更有手工啤等美食．加上場地寵物友善，更可帶同毛孩一齊閒逛。此外，組織透露6月4日會舉行寵物領養夜，

5月份又點少得法國五月嘅活動。法國五月美食薈與華懋集團舉行法國傳統市集，讓大家享受難忘嘅法國文化及美食之旅。市集是法國生活藝術嘅精粹，有豐富嘅本土食材、友善嘅檔主，無拘束嘅購物體驗等。除隆河丘葡萄酒，各攤位將提供多款來自法國嘅芝士、冷盤、肉醬、果醬，鵝肝、蛋糕、果汁等；以及法式個人護理和家居生活用品，如有機護膚品、首飾、精緻花束等，市集喺即日至5月29日喺如心廣場一期中庭舉行。同場更有法國藝術家Ophelia Jacarini 嘅互動數碼藝術裝置《Intraverse》，使用VR技術結合原創舞蹈表演，捕捉佢喺元宇宙嘅舞蹈動作。

另外，D2 Place今年亦繼續與法國五月聯手，夥拍街頭藝術畫廊L’Epicerie Fine HK及3位港法街頭藝術家由即日起至6月9日喺D2 Place二期地下The Garage，舉辦《從街頭到針織》展覽。《從街頭到針織》會展示15件由香港藝術家Bao Ho及法國藝術家Binokl和Le Cyklop嘅原創藝術品，作品包括平面紙本、數碼草圖、到立體雕塑，以及15件由羅氏集團旗下羅氏針織製作嘅原創針織藝術品。羅氏針織揉合近半個世紀經驗及嶄新針織技術，於香港自設嘅工作室，一針一綫打造平面與立體的針織藝術品。

 作者：Laurie Wu（愛保健愛旅遊愛購物的熟女）

 [email protected]