樂●活|相約好友輕聚歎美點

2022-05-27 17:00
鍾意約朋友High Tea 兼打卡的話,最近有好選擇!KORRES與INFINITI C合作,推出期間限、特別應對KORRES皇牌護膚系列而設計嘅下午茶盛宴,以天然、抗醣、抗氧化為主題,準備了多款充滿愛琴海風情嘅無麩質生酮健康美點,仲有12件KORRES旗艦級護膚產品旅行套裝,可盡情食用兼同時美顏護膚,讓身體裏裏外外一同抗氧化、抗衰老。

二人份嘅下午茶非常豐富,單是三文治就有黑松露蛋沙律、牛油果蟹肉、魚子醬煙三文魚配青瓜乳酪;自家製鹹點就愈有迷你煙肉芝士批、燒牛肉青瓜乳酪批、煙三文魚生酮多士,而自家製無麩質餅點就有皇室伯爵茶特濃朱古力及玫瑰荔枝馬卡龍、抹茶玫瑰瑪德蓮蛋糕配自製玫瑰醬、生酮士多啤梨玫瑰酒意式奶凍(無酒精)、生酮玫瑰酒雜莓蛋糕(無酒精),仲有無麩質生酮鬆餅配自製生酮士多啤梨果醬及草飼牛油,既可以自選餐飲,可額外付費轉為雞尾酒或無麩質啤酒一杯。

有得飲有得食,仲可以試埋KORRES嘅旗艦級護膚產品,包括乳酪益菌潔面乳、滋養保濕面霜、即效舒緩面膜,仲有野玫瑰維他命C美白保濕2合1晚霜及美白祛斑面霜,更有冰河黑松4D拉提睡眠面膜及面部精華12件皇牌旅行套裝,更有2張KORRES萬寧美容專櫃$50現金券,想盡情食兼美顏護膚,讓身體裏裏外外一同抗氧化、抗衰老,就要喺7月31日前去試試喇!

想同班朋友飲下嘢Chill下,可以考慮到匯聚多間人氣咖啡店及餐廳嘅星街小區與好友輕聚。星街小區可說是其中一個想歎啡,兼享受慢步調嘅選擇,區內有象徵慢活、品質與潮流嘅咖啡店、餐廳酒吧、精品店及畫廊。

其中聖佛蘭士街有Blue Bottle Coffee全港最大嘅3層分店,除了手沖咖啡之外,仲有全港獨家嘅三文治和窩夫輕食餐單,其中Breakfast Sandwich採用本地品牌Miam Bakery新鮮製造嘅牛角包,可選菠菜蛋餅以及火腿芝士蛋餅,想更豐盛嘅餐點就可點Brunch Plate,窩夫改用小麥製作,口感帶有嚼勁,配以由本地種植嘅沙律菜、半熟雞蛋,以及自製沙律醬。

而Matchali 首家旗艦店預計於6月落戶月街,旗艦店有全新咖啡及美食元素,正門外觀靈感源自咖啡文化,座位開揚,新推出嘅咖啡系列使用來自哥倫比亞、哥斯達黎加、尼加拉瓜和洪都拉斯的咖啡豆混合而成,富有堅果味,同時帶有淡淡的橙皮和紅茶香味,另外仲有全日美食菜單,以及純素軟雪糕。由即日起到官網留下Email,更可先取9折開業優惠。

另外,星街小區嘅APT. Coffee、R&R Bagels、Blend & Grind、Oolaa Petite亦有唔少美食,同埋消費優惠等緊大家。

如果平日鍾意自己喺屋企調配咖啡或茶,最近又有多一個純素植物奶嘅選擇。Mr. Juicy 菓汁先生 推出副綫品牌Mr. Nutty堅果先生,當中有兩款純素植物奶:杏仁奶 及 燕麥奶。前者採用優質杏仁製成,香氣淡雅,不失濃郁嘅堅果風味,味道濃厚溫和,口感香醇滑順。燕麥奶則以上等燕麥調配而成,口感細滑,入口充滿淡淡穀物香氣。兩款植物奶均為無添加防腐劑、色素及香料,不含膽固醇、大豆、乳糖及反式脂肪,而燕麥奶更是無添加糖,全方位照顧注重健康人士、素食者、對牛奶及乳製品敏感,和乳糖不耐症人士嘅需要。

作者:Laurie Wu(愛保健愛旅遊愛購物的熟女)
lohaslaurie@gmail.com

關鍵字

最新回應

熱門文章