樂●活｜驚喜新「味」力！

啱啱去咗旺角買嘢，竟然路經7-Eleven首間嘅7CAFÉ+Pop-up概念店，當然要睇下有啲咩新Gimmick啦！

講到明係Cafe，當然唔少得咖啡，而每杯咖啡仲會採用頂級100%　Arabica咖啡豆House Blend炮製，7CAFÉ+亦首次加入單品咖啡豆(Single Origin)的選擇，嚴選來自單一產地蘇門答臘的曼特寧咖啡豆，而咖啡豆經過中度烘培後，帶有獨特的焦糖香氣，酸度適中，鍾意咖啡嘅朋友可以試試。而且仲有2款充滿港式舊式情懷嘅咖啡及鮮奶，就係薑汁撞奶及杏霜嘅傳統風味變成大衆化嘅創意飲品。順帶一提，7CAFÉ+所有咖啡及鮮奶都可以選擇OATLY燕麥奶，照顧素食者、乳糖不耐症及唔同口味嘅需要。

另外，更有期間限定特色新品，將香港人熟悉嘅港式口味注入7CAFÉ+，以特色沙冰挑選了幾款充滿香港特色情懷的飲品及中式糖水為藍本，經過特別調配製作成不同港式風味的沙冰，當中包括港式奶茶沙冰、紅豆冰味沙冰、楊枝甘露味沙冰、榛子/朱古力咖啡沙冰及西柚味沙冰，冰涼又解渴最適合為味蕾帶來爽快涼感。

另外，仲有多款手搖冰茶將帶有酸甜味的水果加入茶飲，再配合人手搖茶手法，不但可以完全混合果汁及茶，喺在手搖過程中，撞出的泡沫令茶的苦澀消失，同時令果味更提升，可以揀手搖港式檸檬冰茶、手搖西柚烏龍冰茶及手搖熱情果烏龍冰茶等。

叫得Cafe除咗飲品之外，仲準備咗多款烘焙食品，鍾意食甜嘅朋友，可以試試藍莓鬆餅、朱古力鬆餅、朱古力心太軟、朱古力酥等，而鹹點則有牛角酥、火腿蛋沙律多士及火腿芝士多士。

另外，7CAFÉ+亦已登陸7-Eleven NOW外送平台，附近居民及上班一族無需出門都可以輕鬆訂購7CAFÉ+嘅飲品及食品。無論你早上需要一杯提神啡、還是下午想歎個下午茶，只需動動手指打開yuu應用程式後，再點選「yuu網購」即可訂購，訂單會在60分鐘内送到，簡單又方便，買滿$80即享免運費。

噚日仲畀Laurie發現咗幾款新口味嘅雪條分別係雀巢草莓白提子味蝴蝶造型雪條、朱古力呍呢拿味熊貓造型雪條及西瓜味造型雪條。草莓白提子味蝴蝶造型雪條以「孖條」呈現，對稱的蝴蝶造型掰半，方便開心Share。朱古力呍呢拿味熊貓造型雪條就結合朱古力味及呍呢拿味來喚醒大家嘅味蕾，一口朱古力味，一口呍呢拿味，一次過享受晒經典口味。西瓜味造型雪條就帶來初夏透心涼嘅新選擇。3款雪條均不含人造色素及防腐劑，而且造型精緻特別，又色彩繽紛，最啱打卡。

作者：Laurie Wu（愛保健愛旅遊愛購物的熟女）
[email protected]