樂●活｜專屬動人蜜語

為另一半準備驚喜，「專屬」應該係其中一個感動位！手作未必人人有信心由零開始做到，不過就可以喺現成買到嘅產品上，稍為加工，加入給另一半嘅專屬元素。

平時和另一半總會又唔少溫馨甜蜜合照，最近快圖美就有多款日本文具雜貨品牌Iroha Publish嘅Toy Album、Surprise Box、4You Album和立體相片卡等，大家只要曬完相，就可以手作嘅形式，親手為另一半製作獨一無二嘅記憶。Toy Album就係一本以玩具概念製作獨一無二的剪貼相冊，提供紅、黑、薄荷綠、粉藍、粉紅等多色系選擇，相冊內頁留有大面積空白，無論是手繪塗鴉、剪貼照片或貼紙裝飾均可隨意發揮，大型鐵圈環扣令每一頁的相冊都能完整攤開，不會因黏貼後的厚度而無法揭頁，還可撕下其中一頁作為創意紙條。封面更以硬皮設計附上橡膠束帶避免頁面散落，完整珍藏每頁回憶。

「爆炸盒」亦都係近年代替心意卡嘅一個選擇。只要一打開Iroha Surprise Box，禮物盒便會爆炸彈開，出現精心設計的互動小機關，讓拆禮物如同一場遊戲，隨盒將附贈多張原裝可愛貼紙和裝飾物，可寫上祝福語之餘更可剪貼不同照片，輕輕鬆鬆就可完成手作風Surprise Box。情人節不妨以唯美的心形盒子表達甜蜜愛意，仲可以配上快圖美專為Iroha產品設計的模版相片，只需上載照片和簡單操作，系統便會自動剪裁好最符合尺寸形狀的相片供剪貼使用，更可額外選購裝飾素材與機關，讓你的靈感不受限制，盡情發揮創意。快圖美情人節DIY禮物系列可於指定門市入手。

情人節必備嘅蛋糕一樣有貼心選擇，美心西餅推出P.S. Love You Sweetie 情人節蛋糕系列，3款蛋糕營造出不同嘅浪漫時刻，而蛋糕盒更設計成信紙般，讓大家可以寫下專屬動人嘅「蜜語」。Laurie 搶先試咗士多啤梨甜心脆脆蛋糕，心形蛋糕底層係大熱嘅紅絲絨蛋糕，面層就有香甜多汁嘅士多啤梨、夾心軟芝士忌廉及白朱古力脆脆，口感層次分明，頂層更加上粉色朱古力心心，細細個最啱兩個人甜蜜分享。最細心嘅係蛋糕圍邊預留位置，可以寫上甜蜜「蜜語」，加入個人化元素，蛋糕就頓時變得不一樣！

同系列仲有以清新香甜的水果配上果漾夾層啖啖鮮果，加上如水彩的忌廉裝飾嘅戀戀鮮果幻彩蛋糕，以及以紅桑子朱古力軟心與香濃朱古力慕絲蛋糕交織出酸甜濃醇嘅紅桑子朱古力軟心慕絲蛋糕，以拼色設計外形，一加一調配出完美比例，好比男女間一見傾心，織熱的愛心激發出熱情。即日起至2月10日，訂購指定情人節款式蛋糕專享85折早鳥優惠。

記得以前睇過一部電視劇，劇中人為另一半準備一個「不會吃完的食物盒」，說穿了就是定時為對方補給盒內嘅食物，好讓另一半忙極需要食物時就總有合乎心意嘅食物。合味道紀念館香港將於2月10至15日成為慶祝情人節的全新熱點。「日清美味BUY & TRY」第三回就可以簡單幫大家準備。以超過80款抵買嘅日清食品打造集合「蜜蜜送禮物」、「心思思驚喜」及「甜絲絲行程」的情人節慶祝三部曲，讓大家可以大手掃。其中「蜜蜜送禮物」包括思樂都玉米可可脆批、穀物麥片豐盛草莓，以美味寶糖水喳咋糖水，寓意愛侶們嘅愛意三三不盡。收下3份甜蜜蜜的情人節禮物後，要再加分，就可送上「心思思驚喜」，紀念館集合超過50款嘅麵食產品舉行「麵祭り」，清仔在當中9款隱藏對一眾佳偶的祝福「麵」語，只要與伴侶在現場成功定位及搜購此9款麵食，便可成功解開驚喜「蜜」碼，長長久久。

驚喜一浪接一浪，成功拆解「蜜」碼後，記得帶另一半到訪紀念館的三大工作坊，創作出二人專屬的「甜絲絲行程」就係和另一半參加三大工作坊，製作獨一無二嘅紀念品，包括喺「我的合味道工作坊」，在杯麵包裝上畫上充滿愛意嘅圖案和情深字句送給對方，兩顆心環環緊扣；「出前一丁工作坊」就讓情侶一起化身清仔清妹的可愛造型打卡，由搓揉麵粉開始，親手製作一個濃情蜜意的出前一丁；「穀物麥片工作坊」讓情侶親手為對方準備健康可口的穀物早餐，以甜蜜味道開始新一天。

作者：Laurie Wu（愛保健愛旅遊愛購物的熟女）

[email protected]